BBC News, ትግርኛ - መእተዊ ገጽ

ኤርትራዊ ቢንያም ታሽዓይ ወጺኡ ኣብ ቀጠልያ ማልያ ጸብለልታኡ ኣረጋጊጹ

ኣብዚ ውድድር ቢንያም፡ ምስ ዘዝሃደምት ጕጅለ እናሃደመ ነቲ ኣቐዲሙ ዘመዝገቦ ክልተ ናይ መድረኽ ዓወት ክስልስ፣ ኣብ ዝተፈላለየ ኵርናዓት ዓለም ዘለዉ ደገፍቱ ድማ ‘ሰልሶም’የ ሰልሶም ደኣ ይብሉኻ!’ እናደረፉ ኣብ ዝተፈላለየ መድረኻት ማሕበራዊ ሜድያ ትጽቢታቶም ከቃልሑ ክስምዑ ውዒሎም፤

ሓድሽ ቀዳማይ ሚኒስተር ብሪጣንያ፡ ውጥን ምጥራዝ ስደተኛታት ናብ ሩዋንዳ 'ሞይቱ ዝተቐብረ' ኢሉዎ

ቱር ዲ ፍራንስ፡ ኤርትራዊ ቢንያም ግርማይ ካልኣይ ናይ መድረኽ ዓወት ኣመዝጊቡ

እቲ ኣብ ቱር ዲ ፍራንስ ከም ኣልማዝ ደሚቑ ዘሎ ቢንያም ብዘእምን ብቕዓት ንዕኡን፡ ንጋንታኡን ንሃገሩን ካልኣይ ናይ መድረኽ ዓወት ኣመዝጊቡ።ብሓፈሻ ኣብ ቀጠልያ ማልያ 67 ነጥቢ ብምርካብ ነቲ ትማሊ ኣዋህሊልዎ ዝሓደረ 149 ነጥቢ ናብ 216 ክብ ኣቢሉ ንቀጠልያ ማልያ ብገፊሕ ፍልልይ ወኒንዋ ኣሎ።

ቱር ዲ ፍራንስ፡ ተቐዳዳማይ ብሽክለታ ኣብ እዋን ውድድር ንበዓልቲ ቤቱ ብምስዓሙ ተቐጺዑ

ፈረንሳዊ ተቐዳዳማይ ብሽክለታ ጁልያን በርናርድ ኣብ ዙር ፈረንሳ ኣብ ዝተኻየደ ናይ ግዜ ውድድር ንበዓልቲ ቤቱ ብምስዓሙ ድሕሪ ምቕጻዑ: ቅልል ዝበለ ይቕሬታ ሓቲቱ።

ብዕልዋ ስልጣን ዝጨበጡ መራሕቲ ሃገራት ሳሕል 'ልፍንቲ' መስሪቶም

ኒጀር፣ ማሊን ቡርኪናፋሶን ልፍንቲ ምምስራተን፡ ዜጋታት ሃገራት ሳሕል ኣብ መንጐ እተን ሃገራት ብነፃነት ንክንቀሳቀሱን መሰረታዊ ኣገልግሎታት ካብ ተመሳሳሊ ትካላት ንክረኽቡን ዘኽእል እዩ ኢሎም።

ኬንያ፡ ኣብ ሓደገኛ ጉዕዞ ምብራቕ ኣፍሪቃ ዝጠፍኡ ዘለው ኤርትራውያን ስደተኛታት

ኣብዚ ቀረባ እዋን፡ 10 ተስፋ ዝቖረጹ ኤርትራውያን መንእሰያት ካብ ኢትዮጵያ ናብ ደቡብ ገጾም ተበጊሶም። መዕለቢኦም ኡጋንዳ’ዩ። ክሳብ ቀረባ ዓመታት ኣስታት 200 ሽሕ ዝዀኑ ኤርትራውያን ዝበዝሑ ሓተትቲ ዑቕባ፡ ኣብ መዓስከራት ስደተኛታት ኢትዮጵያ ተዓቚቦም ነይሮም።

ብውሕልነቶም፡ ‘ቡዳ’ እናተባህሉ ዝጥቅዑ ዘለው ኢደ ጥበበኛታት

ኣብ ትግራይ ኣብ ስርሓት ኢደ ጥበብ ዝተዋፈሩ ሰባት ‘ሰብ ዝቐትሉ ቡዳታት እዮም’ ብዝብል ባህላዊ እምነት ኣደዳ ግፍዕን ሞትን ምክልባትን ከም ዝዀኑ ይገልጹ። እቲ ኣብ ልዕሊኦም ዝበጽሕ በደላት እናሓመቐን እናወሰኸን ምኻዱ ዝገልጽ ማሕበር ኢደ ጥበበኛታት ትግራይ፡ ካብ ምዝንባል፣ ጸለመን ምፍርራሕን ብዝሰገረ ክሳብ ቅትለት ዝበጽሕ ምዃኑ የረድእ።

ርእሰ-ቅትለት ኤርትራዊ ሓታቲ ዑቕባ መጠንቀቕታ ኩነታት መንእሰያት ስደተኛታት'ዩ- ዳዕሮ

ካብ 2020 ክሳብ 2024 ኣብ ዝነበረ እዋን፡ ኣብቲ ብክፍሊ ውሽጣዊ ጉዳያት (ሆም ኦፊስ) ዝመሓደር መዕቆቢ ዝነበረ 23 ሓተትቲ ዑቕባ ርእሰ-ቅትለት ምፍጻሞም ዝተረጋገጸን ዝተጠርጠሩን ከምዘለዉ፡ 'ሊበርቲ ኢንቨስቲጌትስ' ብዝተባህለ መርማሪ ጋዜጣዊ ጸብጻብ ዝሰርሕ ትካል ዘውጽኦ ሓበሬታ የመልክት።

ኤርትራውያን ኣብ ካናዳ ዝብድሆም ዘሎ ስእነት ስራሕ እንታይ ይመስል?

ኤርትራውያን ስደተኛታት፡ ንካናዳ ቅድሚ ምእታዎም መብዛሕትኦም፡ ኣብተን ዝጸንሑለን ሃገራት ኰይኖም ብሓገዝ ስድራ ቤቶም ብሓዋላ ክናበሩ ዝነበሩ እዮም። እቲ ዝረኽቡዎ ገንዘብ ከኣ፡ ካብ ኢዶም ናብ ኣፎም ስለዘይሓልፍ፡ እቶም ዝበዝሑ፡ ኣብተን ብኤርትራውያን ዝውነና ትካላት ብትሑት መሃያ እናሰርሑ፡ ብትምህርቲ ከይሰጐሙን ብሞያ ከይሰልጠኑን እዮም ናብ ካናዳ ዝኣትው።

ኤርትራ፡ ስሙያት ተወዳደርቲ ብሽክለታ እናፍረየት ስለምንታይ ስሙይ ውድድር ከተካይድ ዘይትኽእል?

ኣብ ውሽጢ ኤርትራ ሓያልን ስሩዕን ውድድራት ዘይምህላዉን፡ ኣብ ኵለን ዞባታታት ካብ ውድደር ማውንተይን ባይክ ዝጅምር ውድድር ዘይምህላዉ’ዩ ንቍጽሪ ፕሮፈሽናላት ተወዳደርቲ ከምቲ ዝድለ ክብ ንኸይብል ዓንቃጺ ኰይኑ ሒዝዎ ከምዘሎ'ውን ይፍለጥ።

ኣብ ዓለም 'ዝበዝሐ ዕልዋታት መንግስቲ ዝርኣየት ሃገር'

እታ ሃገር ካብ 1964 ክሳብ 1982 ዳርጋ ብቐጻሊ ብወተሃደራዊ ስርዓታት ትመሓደር እኳ እንተነበረት፡ ካብ ሽዑ ጀሚራ ግን ዴሞክራሲያዊት ሃገር ኰይና መጺኣ እያ። ኣብዚ ሰሙን፡ ብሮቡዕ 26 ሰነ 2024 ግን ወተሃደራት ኣብ ከተማ ፓ ፓዝ ናብ ዝርከብ ቤተ መንግስቲ ምስ ኣምርሑ።

መረጻ ኣመሪካ 2024፡ ኣብ ፈላሚ ፕረዚደንታዊ ክትዕ መን ሰዓረ?

ኢጣልያ፡ ስለምንታይ'ዮም ኤርትራውያንን ኢትዮጵያውያን ተመሃሮ ትምህርቶም ንምዝዛም ዝጽገሙ ዘለው?

ኣብ 2021 ኣብ ኢጣልያ 72, 284 ( ሰብዓን ክልተን ሽሕን ክልተ ሚእትን ሰማንያን ኣርባዕተን) ኣፍሪቃውያን ተማሃሮ ላዕለዋይ ደረጃ ትምህርቶም ተኸታቲሎም። ካብኦም እቶም 414 ኢትዮጵያውያን ክዀኑ እንከለው እቶም 73 ድማ ኤርትራውያን እዮም። እዞም ተምሃሮ ካብ ቀዳማይ ክሳብ ሳልሳይ ዲግርን ልዕሊኡን ይመሃሩ።

ብዛዕባ ንዓለም ዘናወጹ ሰነዳት ዊኪሊኪስ እንታይ ንፈልጥ?

ዊኪሊክስ፡ መንግስታትን ኩባንያታትን ክሓብእዎ ዝፍትኑ ምስጢራት ኣብ ምቅላዕ ወሳኒ ተራ ዘለዎ መርበብ ሓበሬታ እዩ።

ትራምፕ ዳግም እንተተመሪጹ ንዓለም እንታይ ጽልዋ ይህልዎ?

ክሳብ ሕጂ ዝተኣከቡ ድምጺታት፡ ፕሬዝደንት ኣመሪካ ነበር ዶናልድ ትራምፕ ኣብቲ ኣብ ዝመጽእ ወርሒ ሕዳር ዝካየድ መረጻ እታ ሃገር ክዕወት ከም ዝኽእል የመልክ፤ ኣፍኻ መሊእኻ ምዝራብ ግን ኣየኽእሉን።

ተባዕ ወለዶ’ ኬንያ፡ ብኸመይ እዩ ንመንግስቲ ሩቶ ዘንቀጥቅጦ ዘሎ?

ብሰሉስ፡ ኣማኢት ወደብቲ፡ ነቲ ብፖሊስ ዝፍኖ ዘንብዕ ጋዝ ብምፅዋር፡ ብሕምብርቲ ርእሰ ከተማ እታ ሃገር ናይሮቢ ኣቋሪፆም፡ ንግዳዊ መነሃርያ እታ ከተማ ደው ኣቢሎምዎ ውዒሎም። ዘመናዊ ስልኮም ተዓጢቖም፡ ነቲ ምስ ፖሊስ ዝገበርዎ ዝነበረ ግበግብ ዝመልኦ ግጥም ብቐጥታ ዘርጊሖምዎ።

ሰሜን ኮርያ፡ ኣብ ከባቢ ዶብ ሓጹር ‘መንደቕ’ ትሃንጽ ምህላዋ ምስልታት ሳተላይት ኣቃሊዖም

ብቢቢሲ ቨሪፋይ ዝተተንተነ ምስልታት እውን ኣብ ውሽጢ’ቲ - ዲ.ኤም.ዚ (ዲሚሊታራይዝድ ዞን) ብዝብል ዝፍለጥ ካብ ወተሃደራዊ ህላወ ነጻ ዝኾነ ዞባ ዝርከብ መሬት ከም ዝተጸረገ የርእይ። እዚ ድማ ነቲ ምስ ደቡብ ኮርያ ንነዊሕ እዋን ዝጸንሐ ምቁራጽ ተጻብኦ ምጥሓስ ክኸውን ከምዝኽእል ክኢላታት ይሕብሩ።

ካብ ሶርያ ናብ ኤውሮጳ፡ 11 ዓመታት ዝወሰደ ጕዕዞ ስደት

ካህሊል፡ ካብ ሶርያ ክወጽእ እንከሎ፡ ወዲ ሽዱሽተ ዓመት’ዩ ነይሩ። ኣብቲ ግዜ፡ ኣንጻር ፕሬዝደንት በሽር ኣል-ዓሳድ ዝተላዕለ ተቓውሞታት ስዒቡ ዘጋጥም ዝነበረ መዓልታዊ ጐንጺታት ርእዩ’ዩ። በዚ ምኽንያት፡ ናብ ኤውሮጳ ንምብጻሕ ዓሰርተ ዓመት ዝወሰደሉ ጕዕዞ ስደት ጀሚሩ። ሸውዓተ ሃገራት ተሳጊሩ፤ ካልኦት ሰለስተ 15 ግዜ ክሰግረን ፈቲኑ። እቲ ጉዕዞ፡ ብእግሪ ኣማኢት ኪሎ ሜትራት ብእግሪ ዝወሰደ፣ ኣዝዩ ሓደገኛ ጕዕዞ ባሕርን ሩባታትን ዝተመልኦ’ዩ ነይሩ።

ንሃገራት ምዕራብ ዘሻቕል ዘሎ ጽንጽንታ ምብጻሕ ፑቲን ናብ ሰሜን ኮርያ

ፖለቲካ ሩስያ ዝከታተሉ ተዓዘብቲ፡ ንኣዋርሕ ቭላድሚር ፑቲን ናብ ሰሜን ኮርያ ከም ዘቕንዕ ፈሊጦም ጸኒሖም’ዮም። ኪም፡ ኣብ ዝሓለፈ ዓመት ጥይት ብዘይበስዓ ዓባይ ባቡር ገይሩ ኣብ ርሑቕ ምብራቕ ሩስያ ምስ ፑቲን ከም ዝተራኸበ ይዝከር።

ሓለዋ ባሕሪ ግሪኽ፡ 'ንስደተኛታት ንዕርበቶም ናብ ባሕሪ ደርብዮሞም' መሰኻኽር ዓይኒ

ቢቢሲ ብሰንኪ ተግባራት ሓለዋ ባሕሪ ግሪኽ ሞት ከም ዘጋጠመ ዝገልጹ ብዝሒ ፍጻመታት ኣኻኺቡ ክጽብጽብ ከሎ እዚ ንፈለማ እዋን እዩ። እቶም ዝተተንተናዮም 15 ፍጻመታት ካብ ግንቦት 2020 ክሳብ 23 ኮይኖም ሞት 43 ሰባት ድማ ኣስዒቦም። እቶም መባእታዊ ምንጭታት ብቐንዱ ናይ ውሽጢ ዓዲ ማዕከናት ዜና፣ ዘይመንግስታውያን ትካላትን ሓለዋ ባሕሪ ቱርኪን እዮም።