Natur
![](https://cdn.statically.io/img/upload.wikimedia.org/wikipedia/commons/thumb/8/83/Waterfall_at_Arthur%27s_Pass_National_Park.jpg/220px-Waterfall_at_Arthur%27s_Pass_National_Park.jpg)
![](https://cdn.statically.io/img/upload.wikimedia.org/wikipedia/commons/thumb/5/57/Galunggung.jpg/300px-Galunggung.jpg)
An geryow natur ha naturel yw usys rag oll an taklow nag yw gwrys gans tus. Taklow kepar ha kewer, organedhow, tirfurvow, korfow an efanvos ha lies moy yw rann a natur. Godhonydhyon a studh an fordh rannow natur dhe oberi. Taklow gwrys gans tus yw gelwys kreftus po artefaktow.
Skiensow naturel divers a studh rannow dyffrans a natur, rag ensampel ekologieth a studh rannow plansow hag enevales y'n kerghynnedh, ha bewonieth a studh pub eghen byw.
Tus yw rann a natur, herwydh unn welva, hag i yw an drigoryon moyha studhys war an planet. I a gesvyw an eyl gans y gila yn aga herghynnedh naturel pub dydh. Pub rann a natur, dhyworth an ayr dhe'n tir yw kesserghek. Medhegneth a studh tus yn yeghes ha kleves.
Herwydh gwelva aral, yma tus ha natur ow batalya. Natur yw gwelys gans tus avel asnodhow naturel. Tus a dregh gwydh, palas rag monyow ha tevi trevasow. Tanow, kerri tan ha gweythvaow a gaws defolyans. Tus yw da gansa gasa natur dibystik ha tus a vynn gul moy a dhevnydh a natur yn fenowgh a dhisakord, hag y'n bys arnowydh, gans moy a dus ha citys, an kudynnow a dheu ha bos moy sevur.
Natur, yn y styr moyha efan, a styr an bys fisegel dre vras. Hemm yw styr an ger herwydh fysegieth.
Styr dhe les a naturel yw "Ow hwarvos po oberi yn akord gans fordh ollgemmyn natur". An gerlyver Oxford Shorter English Dictionary a lever bos an ger usys y'n styr ma rag an kynsa tro yn 1477.
![]() |
Onan a'n mil erthygel posekka war Wikipedya yw an erthygel ma. |