Geert Wilders
Geert Wilders (Venlo, 6 september 1963) is 'n Nederlandse politicus van de Partij vò de Vrie'eid (PVV), deu um in 2005 op'ericht. Wilders stit bekend as een uutgesproken criticus van de islam. Hie zurgende d'r voo dat problemen die voo'heen onger ut tapijt wiere 'eschoven weer bespreekbaer wiere. In 2010 nam um mee de PVV deel an een gedoogregerieng, saeme mee de VVD en 't CDA onger premier Mark Rutte. Om deze standpunten wor um ernstig bedreigd deu verscheie mênsen.
In november 2007 maekende Wilders via De Telegraaf bekend te werreken an een film over de Koran. De film geeft Wilders' opvatting weer dat de Koran een fascistisch boek is, dat nog aoltied anzet tot geweld. Op 9 feberwari 2008 maekende Wilders de naem van de film bekend: Fitna, dat stit voor "beproeving" in 't Araobisch.
Nog voodat de film uutkwam veroorzaekende deze vee opschudding; onger andere de ministers Ernst Hirsch Ballin (Justitie), Guusje ter Horst (Binnenlandse Zaeken) en Maxime Verhagen (Butenlandse Zaeken) ao Wilders gewezen op de gevolgen die de film vogges ulder zou kunnen hebben.
Wilders verwoordende zien standpunt tegenover moslims en de islam zelf as volgt: Ik haete gin moslims, ik haete de islam.
Um was van 1997 toet 1998 raedslid van Utrecht en in 2010 van D'n Aegt. Sins 1998 is um Twidde Kaemerlid, toet 2004 vò de VVD, daernae vò Groep-Wilders en sins 2006 vò de PVV. Sins 2004 is um ok fraoctieveuzitter en politiek leider en sins 2006 ok partijveuzitter.
Lienks nae buten
[bewerk | brontekst bewerken]
| Uudige partijleiders in Nederland |
|---|
|
Martin van Rooijen (50+) •
Caroline van der Plas (BBB) •
Edson Olf (BIJ1) •
Wybren van Haga (BVNL) •
Henri Bontenbal (CDA) •
Mirjam Bikker (CU) • |