Anne Frank
- E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.
Annelies Marie (Anne) Frank (n. 12 di yüni 1929 na Frankfurt am Main – f. kuminsamentu di mart 1945 na Bergen Belsen) ta un di e hudiunan mas renombrá i diskutí na mundu ku a pasa den e holokousto. Atmirá pa e kalidat di su skibimentu, su diario a bira un di e bukinan mas lesa na mundu i e base pa varios pelíkula.
Anne Frank a nase na e suidat di Frankfurt am Main na Alemania, e la biba mayoria di su bida na Amsterdam na Hulanda. na nationalidat e tabata konsiderá aleman te ku 1941, ora el a pèrdè su nationalidat dor di leinan antisemítiko di Nazi Alemania. E la haña fama pa medio di su diario ku ta dokumentá su eksperiensianan skondiendo durante e okupashon aleman di Hulanda durante e di dos Guera Mundial.
E famia Frank a muda di Alemania pa Hulanda na aña 1933, e mesun aña ku e partido Nazi a haña poder na Alemania. Pa kuminsamentu di 1940 nan tabata pega na Hulanda dor di e okupashon aleman. Ora persikushon aleman a eskalá na yüli 1942, e famia a bai skonde den un kamber skondí patras di e ofisina di tata Otto Frank. Despues di dos aña e grupo a keda gará. Anne i su ruman, Margot a wòrdu hiba na kampamentu di konsentrashon Bergen-Belsen kaminda nan dos a muri di tífùs na mart 1945.
Su tata Otto, e úniko sobriviviente a haña e diario wardá i a publik'e na 1947 na hulandes.