Criovolcanisme
Aparença
![](https://cdn.statically.io/img/upload.wikimedia.org/wikipedia/commons/thumb/a/a6/Fountains_of_Enceladus_PIA07758.jpg/220px-Fountains_of_Enceladus_PIA07758.jpg)
Lo criovolcanisme es un fenomèn d'emission de glaç observat a la superficia de satellits, d'asteroïdes e d'objèctes astronomics fregs. Lei substàncias emesas, sovent d'aiga, de metan ò d'amoniac, intran en fusion dins lei jaç intèrnes de l'objècte sota l'efiech de fòrças de marèia ò de desintegracions d'elements radioactius. Aquò engendra la formacion d'un criomagma que se dirigís vèrs la superficia, çò qu'entraïna la formacion d'un volcanisme freg.
Descubèrt en 1989 per la sonda Voyager 2 durant son passatge a proximitat de Triton, la luna principala de Neptun, aqueu fenomèn es estat identificat, dempuei aquela data, sus de satellits de planetas gigantas, sus de planetas nanas e sus d'asteroïdes.