Beiroet
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](https://cdn.statically.io/img/upload.wikimedia.org/wikipedia/commons/thumb/b/bb/West-Beirut1983.jpg/220px-West-Beirut1983.jpg)
Beiroet (Arabisch: بيروت; Letien: Berytus; Frans: Beyrouth) is de houfstad enne grótste stad van Libanon; 't haet ouch de wichtigste have van det landj. Beiroet haet zoea 2 miljoen inweuners.
Beiroet is ein vanne heterogeenste stej van 't Midden-Oeaste wen me kiek nao de bevölkingsgroeppe. Zoea wone dao christene (maroniete. Grieks-orthodox, Armeens-orthodox, Roeams-Katteliek en protestants), moslims (soenniete en sjiiete) en druze. De meiste juudde zeen nao de Vereinigdje Staote verhoes naodet de börgerkrieg oetbrook in 1975; zie wone noe veural in Brooklyn (Nuuj-York). Allewiel is de stad verdeildj geworen in 't islamitisch wèstelik deil en 't christelik oeastelik deil.
Veure krieg haw de stad de bienaam 't Peries van 't Oeaste.