Buul siud

Buul siud

Malawi (aragang) mamain Fiji (obulou) di Sipoot Komanvel 2006.
Highest governing body	International Federation of Netball Associations
First played	1895, New Orleans, Louisiana (USA)
Characteristics
Contact	Aiso-kama
Team members	Turu mamain id monikid tinimungan id gelanggang id iso timpu Seven, (sampapas variasi komulakan/pinludaan nopo nga' haro limo no mamain monikid tinimungan)
Type	Suang toi ko' labus dewan
Equipment	Buul siud
Presence
Olympic	1995

Buul siud nopo nga' sipoot tinimungan aiso-kama mantad do Amerika Syarikat, kaagal-agal om mantad do buul keranjang. Baino, buul siud nopo nga' nakalantoi kopio pomoinon sabaagi iso tinimungan don tongoondu id Australia om New Zealand om nointutunan kopio id Hindia Barat, Sri Lanka, om United Kingdom. Lobi 980 riong mogigion mamain do buul siud id suang do lobi ko' 100 riong ginumu planet.

Miagal do buul keranjang, buul siud nogi nga' pomoinon id gelanggang di olomok toi ko' okodou miampai gelung toi ko' "rings" id koduo-duo tompok.

Gelanggang diti lobi agayo kopiadang do gelanggang buul keranjang, kosiliu do 30.5 m ninaru om 15.25 m linaab. Burisan tanaru di lohowon sabaagi "buris disan" om burisan toniba di lohowon sabaagi do "buris poguulan" toi ko' (base lines). Tanda'-tanda' gelanggang au milo kolobi do 50 mm linaab. Abaagi o gelanggang diti kumaa tolu boogian di manamong do kinoyonon di milo ngoyon do monikid mamain.

Iso "binulugu taatanga" kidiameter-90 cm poingiliu id taatanga do gelanggang. Id monikid koompokon do gelanggang nopo nga' haro p shooting circle toi ko' "binulugu gol" sampapas obulugu miampai tunturu 4.9 m hinonggo toinsanan posuangan gol mositi onuon do hiri. Tiang gol nopo nga' 3.05 m kinawas mantad boogian sawat gelung gisom id sili' om aiso papan panalob. Diamteter montok gelung id suang nopo nga' 380mm om kisinodu 150mm mantad tiang gol om winonsoi mantad bosi kidiameter 15 mm. Kinawas om diamiter gelung nopo nga' lobi okoro mantad ko' gelung buul keranjang. Haro nogi o komungkinan momoguno do gelung bola keranjang montok mamain buul siud, nga' sokiro kakama o buul om papan panalob, do buul di nopo nga' id labus do pomoinan. Sokiro iso gol nokosuang mantad papan panalob, amu maan tipongo. Piipiro versi kooturan papasaga do posuangon o iso gul miampai insan simpod sokiro aanu i buul miampai amu koontok do sili'.

Haro turu mamain montok monikid tinimungan, i noonuan do kinoyonon di pointatap (piipiro variasi komulakan/pinludaan nopo nga' haro limo mamain montok monikid tinimungan). Monikid mamain nopo nga' nuru mamakai do "bib" montok popokito kinoyonon do mamain dii. Monikid mamain nopo nga' pasagaon id iso no kinoyonon pointantu; pamain di kosoliwan mantad kinoyonon diolo lohowon sabaagi do "offside". Kinoyonon dii nopo nga' miagal di okito id siriba:

Piipiro strategi pomoinan nuru do uludon montok manantu wotik pomoinan om strategi poposuang do gol montok momodimpot kalantayon. Strategi di gunoon nopo nga' khusus montok monirik do tinimungan sangod maamaso bertahan, monyorang om nogi maamaso popoguul. Tinimungan di kaanu mamain miampai osonong kopio sokiro strategi di gunoon nopo nga' au oilaan do tinimungan sangod, lobi-lobi no soira momonsoi kapanahakan tanga, kapanahakan id suang toi ko' lambungan. Nuru do posotolon o strategi diti moi do kaanu o mamamain do mamarati om momoguno id suang do pomoinan kopio. Nuru haro o pinludaan intensid montok mongubas di mamaamain miampai strategi di napan. Sokiro amu, aiso bagas montok strategi dii.

Strategi I Intangai rajah kinoyonon pamain id siriba. Pinludaan strategi miagal diti nopo nga' mimpuun mantad pamain id taatanga C. Pamain C manahak do buul kumaa do WD montok kapanahakan kumoiso kalapas do sougion do pangadang o tompuhani. WD nogi nga' mumbal do manahak buul di kumaa WA id suang do kinoyonon sangod. Pootodon do WA o buul kumaa GS montok kapaatadan kumotolu om potilombuson do GS o kapaatadan kumaapat kumaa GA id suang do kinoyonon popoguul. Mantad dii, haro kosiwatan do GA montok popoguul do buul dii.

Rajah 4.12: Strategi mantad kapaatadan tanga'

Maya strategi diti, nuru haro tolu toi ko' apat kapaatadan buul, koimpuun mantad kapaatadan tanga' om olimpupusan do kapaatadan poposuang do gul. I toponsol nopo nga' monikid mamaamain nuru do mumbal mogihum liwang di osonong moi do au kaanu mangantob o tinimungan sangod. Montok diti, nuru o oporokis o mamaamain.

Kitudu o strategi diti montok sumaap om nogi mantamung. Tumanud do tinimungan nonggo i mongigit do buul dii. Soira koposoliwan o tinimungan lawan do buul katalib do kinoyonon likud tinimungan kumoiso, posuangon do tinimungan koiso o buul dii. Hiti no koimpuun o strategi kapanahakan sumuang. Iti mogoit rati do tinimungan di tumamong kosiliu sabaagi sumangod montok popoindalan strategi diti. Okito dati poingkuro strategi diti poindalanon. Mamain GK tumimpuun miampai papaatod buul kumaa mamain GD. Kinoyonon mantad mamain GD, kosimban kumaa GD2 (nuru do oporokis gura hiti). Iti nopo nga' kirati mamain GD nokopogidu no mantad panamangan toi ko' kinoyonon mantad. Mamain WD nogi nga' mogidu mantad WD1 kumaa WD2 montok monorimo buul di pinaatod do GD. Soira korikot o buul kumaa WD2, tinimungan id kinoyonon do manamong kosiliu sabaagi do tinimungan sumaap.

Panamangan nogi nga' nuru do strategi mooi do monikid saap mantad tinimungan sangod milo alaon om monikid pongumbalan popoguul milo ilagon. Iti nogi nga' kitudu montok magahau buul om monimban kinoyonon mantad mantamong kumaa sumaap. Manamong kirati do mantamong do tinimungan sangod. Mamain di oubas no insaru momili do mogikaakawo laang montok momonsoi panamangan di agaras, sokiro oluhoi toi ko' au oulud o panamangan, osonong do kalapus do panamangan o tinimungan sangod montok sumaap.

Piboian bobos toponsol id buul siud nopo nga' Piboian Buul Siud Sompomogunan i pohoroon monikid apat toun. [[Pasukan bola jaring kebangsaan Australia]|Tinimungan buul siud kabansaan Australia]] nopo nga' momilantoi pomogunan maamaso do nakalantoi id Piboian 2007 id New Zealand. Bagas nakalantoi di kohompit no Silver Ferns mantad New Zealand om Calypso Girls mantad Trinidad om Tibago, sundung pia England, Proteas mantad Afrika Selatan omSunshine Girls mantad Jamaika nogi nga' nakaanu kinoyonon.

• Commonwealth Bank Trophy - Australia (to 2007)
• National Bank Cup - NZ (to 2007)
• Fisher and Paykel Series

• The Super League

• Netball Super League

• Korfball, pomoinan di osomok no kopiagal nga' misuai, pomoinon lobi-lobi no id Belanda om Belgium.

• Templat:Dmoz
• Templat:Yahoo directory
• International Netball Federation Limited
• International Netball
• Netball Images
• Netball Online
• Netball Resources website
• Netball@TeamFindr
• Sport is Good: NetballTemplat:Pautan putus
• The Rules of Netball