Rumah sakit

Rumah sakit (alih basa langsung saking basa Welanda: ziekenhuis; kosakata gabungan saking zieken, 'sakit' + huis, 'umah'), kasingkat rumkit utawi RS inggih punika lembaga pelayanan kesehatan sané ngamargiang pelayanan kesehatan secara paripurna sané nyediaang pelayanan rawat inap, rawat jalan miwah gawat darurat sané pelayananyané kasediaang olih dokter, perawat miwah tenaga ahli kesehatan tiosan.^[1]

Kawéntenan genah rawat ring rumah sakit ring Indonésia kantun alit pisan yéning saihang sareng akéhnyané krama. Ring pantaraning 10.000 diri krama, wantah wénten nenem korsi.

Rumah sakit (basa Inggris: Hospital) ring basa Indonésia mawit saking alih basa langsung saking basa Welanda "Ziekenhuis" sané artosnyané "Rumah Sakit". Kawéntenan basa puniki sangkaning masa kolonialisme Welanda ring Indonésia sané sué pisan. Ring basa Bali wenten pikobet sané ngsengguh rumah sakit dados "griya sungkan".

Panglimbak rumah sakit ring Indonésia kapertama pisan kawangun olih VOC warsa 1626 miwah salanturnyané taler olih tentara Inggris ring masa Raffles utaminnyané kaanggén ngayahin anggota militer miwah kulawarganyané antuk gratis. Yening wenten krama mued sane merluang, ipun taler polih wantuan gratis. Indike punika taler kamargiang ring makudang-kudang rumah sakit sane kawangun antuk agama. Parikrama puniki taler kalanturang olih rumah sakit CBZ ring Jakarta. Samaliha nenten wenten anak tiwas wiadin kakirangan sane merluang jinah. Indiké punika ngawinang krama adaté rumasa yéning pangubaktian ring rumah sakit punika gratis. Dané nénten uning yéning saking masa VOC, jadma Éropa sané ngubadin ring rumah sakit VOC (sajabaning tentara miwah kulawarganipun) kaicén prabéya rumasuk pegawai VOC.

Komite Etika Rumah Sakit (KERS), dados kabaosang pinaka badan sané resmi kawangun antuk anggota saking makudang-kudang disiplin perawatan kesehatan ring rumah sakit sané bertugas antuk nanganin makudang-kudang pikobet etika sané metu ring rumah sakit. KERS prasida manados sarana sané efektif rikala makarya saling pengertian pantaraning makudang-kudang pihak sané nyarengin sekadi dokter, pasien, kulawarga pasien miwah parajanané indik makudang-kudang pikobet etika hukum kedokteran sané medal ring perawatan kesehatan ring rumah sakit.

KERS madué tiga fungsi inggih punika pendidikan, nyusun kebijakan, miwah ngabahas kasus. Punika mawinan sinalih tunggil pakaryan KERS inggih punika ngamargiang fungsi pendidikan etika. Ring rumah sakit wénten kaperluang kawéntenan kawagedan antuk nyelehin pikobet etika, ngamargiang pabligbagan multidisipliner indik kasus medis legal miwah biomedis miwah pikobet etika biomedis miwah proses pengambilan kaputusan sané mapaiketan sareng pikobet puniki. Antuk kawéntenan KERS, kawruhan dasar widang etika kedokteran prasida kautsahayang ring institusi miwah kawruhan indik etika kaaptiang pacang ngasilang parilaksana sané profesional etis. Panitia tusing lakar nyidayang ngurukang anak lenan, yening ia tusing ngelah kaweruhan. Punika mawinan tugas kapertama saking panitia inggih punika nincapang kawruhan anggota panitia.

Etika kedokteran mangkin sayan nglimbak. Ring Indonesia etika kedokteran relatif anyar miwah sané minat nénten akéh punika ngawinang méweh ngrereh bahan bacaan sané mapaiketan sareng parindikan puniki. Pendidikan majeng ring anggota panitia prasida kamargiang antuk malajah soang-soang, malajah sareng sekaa, miwah ngundang para sujana ring widang agama, hukum, sosial, psikologi, utawi etika sané malajahin widang etika kedokteran. Anggota panitia patut ngamolihang akidiknyane kawruhan indik istilah/konsep etika, proses analisis miwah pengambilan keputusan ring etika. Kawruhan indik etika pacang dangan karesepang yéning sampun kaanggén ring makudang-kudang kasus. Sayan akeh wicara sane kawedar, sayan tinglis parajanane uning ring tata cara sane becik rikala ngambil pamutus.

Pendidikan etika nenten kewates ring pimpinan miwah staf rumah sakit. Pamilik miwah anggota yayasan, pasien, kulawarga pasien, miwah masyarakat prasida kasarengin ring pendidikan etika. Pangresep indik etika puniki prasida nincapang rasa percaya krama miwah ngabuka pikayunan ipuné indik rumah sakit sané makarya ring kawigunan pasien miwah krama tiosan.

Ring struktur rumah sakit ring Indonésia kawastanin subkomite/panitia etika profesi medis sané marupa struktur ring sor komite medis sané madué tugas nanganin masalah etika rumah sakit. Ring umumnyané angga panitia puniki wantah dokter miwah pikobet sané katangani akéh pisan sané mapaiketan sareng pelanggaran etika profesi. Antuk etika kedokteran sané mangkin sampun nglimbak miwah kompleks, kawéntenan miwah genah panitia puniki nénten malih jangkep. Rumah sakit ngamerluang tim utawi komite sané prasida nanganin masalah etika rumah sakit miwah tanggung jawab langsung majeng ring direksi. Komite punika ngicénin saran ring widang etika ring pamimpin miwah staf rumah sakit sané merluang. Kawéntenan komite kasurat ring struktur organisasi rumah sakit miwah keanggotaan komite kaangkat olih kepala rumah sakit utawi yayasan rumah sakit.

Ring panglimbak KERS puniki, rumah sakit kakawitin antuk ngawangun tim alit sané kadiri antuk makudang-kudang anak sané madué rasa urati ring etika kedokteran, sané mabuka miwah semangat sané tegeh. Angkepan anggotane patut kawentenang manut kaperluannyane. Keanggotaan panitia bersifat multi disiplin ngeranjing dokter (menjadi mayoritas anggota) saking makudang-kudang spesialisasi, perawat, pekerja sosial, rohaniwan, wakil administrasi rumah sakit, wakil masyarakat, ahli etika, miwah ahli hukum.

• Rumah sakit ring Indonésia
• Lis rumah sakit
• Peranan CSSD di dalam rumah sakit
• Dokter
• Kesehatan
• Keperawatan
• Kebidanan
• Apotek
• Unit Gawat Darurat
• Radiologi

Wikimédia Commons madué média indik Hospital.

• Jean Manco, The Heritage of Mercy covers medieval hospitals in Britain.
• Last Resort: Hospital Care in Canada—Illustrated Historical Essay
• Daftar rumah sakit di Indonesia di situs Majalah Tempo Archived 2009-08-16 at the Wayback Machine.
• Daftar Rumah sakit di Indonesia Archived 2016-06-03 at the Wayback Machine di http://dir.noona.id
• www.pdpersi.co.id/