Queen

Queen
Queen 1975-ci ildə. Soldan sağa: Rocer Teylor, Freddi Merkyuri, Brayan Mey və Con Dikon
Əsas məlumatlar
Üslub	rok
Fəaliyyət illəri	1970-indiyədək
Ölkə	Birləşmiş Krallıq
Şəhər	London
Dil	ingilis dili
Leybl	EMI  • Parlophone  • Elektra  • Capitol Hollywood  • Island  • Virgin EMI
Heyət	Freddi Merkyuri Brayan Mey Rocer Teylor Con Dikon
Keçmiş üzvlər	Mayk Qros Berri Mitçell Douq Boqi
Əlaqəli layihələr	Queen + Paul Rodgers  • Queen + Adam Lambert
queenonline.com
Vikianbarda əlaqəli mediafayllar

Queen – İngiltərə rok qrupu. 1970-ci ildə "Smile" qrupunun dağılması ilə Brayan Mey, Rocer Teylor və Freddi Merkuri Londonda "Queen" qrupunu yaradırlar. Bir il sonra Con Dikonun qrupa daxil olması ilə qrup tamamlanır. Qrup ilk vaxtlar proqressiv rok, hard rok, qlem rok və hevi metal tərzlərini mənimsələr də, daha sonra radio yayım formatlı pop rok və arena rok kimi tərzlərin inkişafına da böyük təsir göstərmişlər.

Queen 1970-ci ildə Mey və Teylorun Smile qrupunu qurması ilə başlamışdır. Merkyuri Smile qrupunun pərəstişkarı olmuş və onları daha mürəkkəb səhnələşdirmə və səsyazma üsullarını sınamağa təşviq etmişdir. 1970-ci ildə o qrupa qoşulmuş və "Queen" adını təklif etmişdir. Qrup 1973-cü ildə "Queen" adlı ilk debüt albomunu buraxmazdan əvvəl Dikon 1971-ci ildə qrupa qoşulmuşdur. Queen 1974-cü ildə "Queen II" adlı ikinci debüt albomu ilə Böyük Britaniyanın hit-paradlarına daxil olmuşdur. Onlar eyni ildə "Sheer Heart Attack" və 1975-ci ildə "A Night At The Opera" albomu ilə beynəlxalq uğur qazanmışdır. "A Night at the Opera" albomunda yayımlanan "Bohemian Rhapsody" adlı mahnı musiqi video formatını populyarlaşdırmış və doqquz həftə Böyük Britaniya hit-paradlarında bir nömrədə qalmışdır. 1977-ci ildə çıxan "News of the World" albomunda idman tədbirlərində himnlərə çevrilən "We Will Rock You" və "We Are the Champions" kimi mahnılar yer almışdır. 1980-ci illərin əvvəllərində Queen dünyanın ən böyük stadion rok qruplarından birinə çevrilmişdir. 1980-ci ildə buraxdıqları "The Game" adlı albomundan "Another One Bites the Dust" adlı mahnısı onların ən çox satılan sinqllarından biri olmuş və 1981-ci ildə buraxılan "Greatest Hits" kompilyasiya albomu Birləşmiş Krallıqda ən çox satılan albom olmuş və Amerika Səsyazma Sənayesi Assosiasiyası tərəfindən on doqquzuncu yerdə qərarlaşmışdır. Onların 1985-ci ildə Live Aid konsertindəki çıxışı rok musiqisi tarixinin ən böyük çıxışlarından biri hesab olunur. 1986-cı ilin avqust ayında Merkyuri Queen qrupu ilə birlikdə İngiltərədə Knebvvortda son dəfə çıxış etmişdir.

Merkyuri 1987-ci ildə QİÇS diaqnozu qoyulanda şəxsi həyatını davam etdirsə də, Queen 1989-cu ildə "The Miracle" və 1991-ci ildə "Innuendo" adlı daha iki albom buraxmışdır. Merkyuri 1991-ci ildə QİÇS-in səbəb olduğu bronxopnevmoniyayadan vəfat etməzdən əvvəl 23 noyabr 1991-ci ildə QİÇS xəstəliyinə tutulduğunu açıq elan etmişdir. Daha sonra Merkyurinin vokal səsyazmalarından ibarət "Made in Heaven" adlı albomu 1995-ci ildə işıq üzü görmüşdür. Dikon 1997-ci ildə təqaüdə çıxmış, Mey və Teylor 2004-cü ildən Pol Rodcers və Adam Lembert ilə birlikdə "Queen +" adı altında qastrol səfərlərinə davam etmişdir.

1999-cu ildə Channel 4 tərəfindən keçirilən "Music of the Millenium" sorğusunda ən yaxşı ikinci qrup seçilmişdir. Queen qrupunun 18 albom, 18 sinql və 8 DVD-i dünya üzrə məşhurluq qazanmış və ən çox albom satan qruplar arasında yerini almışdır. Dünya üzrə 300 milyon albom satmışdır. Bunun 35,5 milyonu ABŞ-da satılmışdır.

Qrup "Fleş Qordon" və "Highlander" filmlərinin mahnılarını hazırlamış, bundan əlavə "Ueynin Dünyası" filmində Queen qrupunun məşhur "Bohemian Rhapsody" adlı mahnısından istifadə edilmişdir.

Queen 250 milyondan 300 milyona qədər nüsxə sataraq dünyanın ən çox albom satan musiqi qruplarından birinə çevrilmişdir. 1990-cı ildə Queen Britaniya musiqisinə görkəmli töhfələrə görə "Brit" mükafatını almışdır. 2001-ci ildə onlar Rok-n-roll şöhrət zalına, 2003-cü ildə isə dörd üzv hit sinqllar bəstələdiklərinə görə Mahnı müəlliflərinin şöhrət zalına daxil edilmişdir. 2005-ci ildə Britaniya Mahnı müəllifləri, Bəstəkarlar və Yazıçılar Akademiyasından "İvor Novello" mükafatını, 2018-ci ildə isə "Qremmi ömür boyu müvəffəqiyyət" mükafatını almışdır.

• Brayan Mey - gitara, vokal, klaviatura, bas gitara (1970-indiki)
• Rocer Teylor - nağara, vokal, zərb alətləri, gitara, klaviatura, bas gitara (1970-ci ildən indiyədək)

• Freddi Merkyuri - vokal, piano, klaviatura, bəzən gitara (1970-1991; vəfat etmişdir)
• Con Dikon - bas gitara, gitara, klaviatura, geri vokal (1971-1997)

• Pol Rodcers - aparıcı vokal, ritm gitara, klaviatura (2004-2009)
• Adam Lembert - aparıcı vokal (2011-ci ildən indiyədək)

• Spayk Edni - klaviatura, piano, ritm gitara, geri vokal (1984-dən indiyədək)
• Nil Ferklauf - bas gitara, geri vokal (2011-ci ildən indiyədək)
• Tayler Uorren – zərb alətləri, nağara, geri vokal (2017-ci ildən indiyədək)

• Morqan Fişer - klaviaturalar (1982)
• Fred Mandel - klaviaturalar (1982)
• Devid Qrosman - bas gitara, geri vokal (1998-2004)
• Ceymi Mozes - ritm gitara, geri vokal (1998-2009)
• Denni Miranda - bas gitara, geri vokal (2005-2009)
• Nil Mörri - bas gitara (2008)
• Rufus Tiqr Teylor – zərb alətləri, nağara, geri vokal (2011–2017)

• Mayk Qros - bas gitara (1970; 2019-cu ildə vəfat etmişdir)
• Berri Mitçell - bas gitara (1970-1971)
• Douq Boqi - bas gitara (1971)

Əsas məqalə: Queen diskoqrafiyası

Studiya albomları

• Queen (1973)
• Queen II (1974)
• Sheer Heart Attack (1974)
• A Night at the Opera (1975)
• A Day at the Races (1976)
• News of the World (1977)
• Jazz (1978)
• The Game (1980)
• Flash Gordon (1980)
• Hot Space (1982)
• The Works (1984)
• A Kind of Magic (1986)
• The Miracle (1989)
• Innuendo (1991)
• Made in Heaven (1995)

Canlı albomlar

• Live Killers (1979)
• Live Magic (1986)
• Live at Wembley '86 (1992)
• Queen on Fire: Live at the Bowl (2004)
• Queen Rock Montreal (2007)
• Queen: Hungarian Rhapsody - Live in Budapest '86 (2012)
• Live at the Rainbow '74 (2014)
• A Night at the Odeon - Hammersmith 1975 (2015)

Məşhur mahnıları

• "We Will Rock You"
• "We Are The Champions"
• "Bohemian Rhapsody"
• "The Show Must Go On"
• "Don't Stop Me Now"
• "Crazy Little Thing Called Love"
• "Another One Bites the Dust"
• "Radio Ga Ga"
• "Under Pressure"
• "Killer Queen"

• Queen rəsmi saytı
• Queen fan zone