World Health Organization (WHO) Regional Director for the Western Pacific, Dr Takeshi Kasai, has concluded his 8-day visit to the Kingdom of Cambodia, from 28 June to 6 July 2022, commending the country’s remarkable response to COVID-19. He called for continued commitment to further strengthen health system resilience with a focus on primary health care, and improve health security, leveraging the pandemic response in a timely and effective manner for the future.
During the visit, WHO Regional Director had a courtesy call with Samdech Akka Moha Sena Padei Techo HUN SEN, Prime Minister of the Kingdom of Cambodia, H.E. Akka Pundit Sapheacha Aun Pornmoniroth, Deputy Prime Minister and Minister of Economy and Finance, and H.E. Professor Mam Bunheng, Minister of Health. He also met with other senior Royal Government officials to share lessons learnt from the COVID-19 response, and to discuss future collaboration and support of WHO. The visit was an opportunity for the WHO Regional Director to witness first-hand health programmes and systems in action in the provinces of Kratie, Kampong Cham, and Kampong Speu.
“I am honoured to visit the Kingdom of Cambodia again, and to meet the Royal Government officials, health personnel and community-based health care volunteers who have sacrificed so much during the pandemic,” said Dr Kasai. “I am very impressed by the remarkable achievements of the Cambodian government in leading the fight against COVID-19, including the effective vaccine roll-out.”
Cambodia has mobilised a successful whole-of-government and a whole-of-society, including the private sector, response to the COVID-19 pandemic, including the systems to detect, respond and manage, risk assessment mechanisms, rapid response teams, national public health laboratory capacity, and effective risk communication. While responding to the COVID-19 pandemic, the Royal Government of Cambodia was also able to maintain the provision of core essential health care services to the general population.
H.E. Professor Mam Bunheng, Minister of Health mentioned: “the Royal Government, under wise and proactive leadership, with the right decisions of Samdech Akka Moha Sena Padei Techo HUN SEN, Prime Minister of the Kingdom of Cambodia, has placed COVID-19 transmission under control and reopened the country and socio-economic activities in all sectors, responsively, safely and sustainably.” He said “Cambodia sincerely appreciates WHO’s evidence-based policy advice, and technical and operational support. Under Dr Kasai’s leadership, WHO has been working actively hand in hand with Cambodia’s health officials and health workers to respond to COVID-19, while contributing to the safe and sustainable re-opening of Cambodia.”
During the visit, WHO Regional Director applauded Cambodia’s remarkable progress in country’s health outcomes including in malaria elimination, improved maternal, newborn and child health, and tobacco control, among others.
Cambodia has adopted a novel, targeted approach to eliminating malaria that includes sending community-based volunteers on malaria to support vulnerable and hard-to-reach communities including mobile and migrant populations, and forest goers.
“There have been no recorded malaria deaths in the country since 2018 and our WHO experts are honoured to support country’s malaria elimination activities. We would like to offer support to prepare Cambodia for malaria-free certification,” said Dr Kasai.
WHO Regional Director acknowledged that the country was rapidly developing and was at a critical moment to transform its health system to make it fit for the future, with quality, safe and effective primary health care closer to the communities at the centre of these efforts.
“The pandemic has taught us that when health is at risk, everything is at risk. Building on the strong foundations and lessons learnt from the COVID-19 response, Cambodia has WHO’s support to further improve health security and readiness, and strengthen national and sub-national health systems aiming at ensuring the highest possible level of health and well-being for the future,” said Dr Kasai.
WHO continues to provide policy advice and technical support on health security, non-communicable diseases, communicable diseases, primary health care and health system strengthening towards universal health coverage in Cambodia.
សេចក្តីជូនព័ត៌មានរួម
ក្រសួងសុខាភិបាល និងអង្គការសុខភាពពិភពលោកប្រចាំកម្ពុជា
នាយកប្រចាំតំបន់របស់អង្គការសុខភាពពិភពលោក កោតសរសើរកម្ពុជា ក្នុងការឆ្លើយតបនឹងជំងឺកូវីដ-១៩ និងការប្តេជ្ញាចិត្តក្នុងការវិនិយោគលើវិស័យសុខាភិបាល សម្រាប់ពេលអនាគត
រាជធានីភ្នំពេញ ថ្ងៃទី ៦ ខែកក្កដា ឆ្នាំ២០២២
នាយកប្រចាំតំបន់ប៉ាស៊ីហ្វិកខាងលិចរបស់អង្គការសុខភាពពិភពលោក លោកបណ្ឌិត តាកេស៊ី កាសៃ (Dr Takeshi Kasai) បានបញ្ចប់ដំណើរទស្សនកិច្ចរយៈពេល ៨ ថ្ងៃ នៅព្រះរាជាណាចក្រកម្ពុជា កាលពីថ្ងៃទី ២៨ ខែមិថុនា ដល់ថ្ងៃទី ៦ ខែកក្កដា ឆ្នាំ២០២២ និងបានកោតសរសើរកម្ពុជា ដែលបានឆ្លើយតបដ៏គួរឱ្យកត់សម្គាល់នឹងការរាតត្បាតនៃជំងឺកូវីដ-១៩។ លោកបណ្ឌិត បានអំពាវនាវឱ្យបន្តការបេ្តជ្ញាចិត្ត និងការវិនិយោគបន្ថែមទៀត ក្នុងការពង្រឹងភាពធន់នៃប្រព័ន្ធសុខាភិបាល ដោយផ្តោតការយកចិត្តទុកដាក់លើការថែទាំសុខភាពបឋម និងភាពរឹងមាំនៃសន្តិសុខសុខភាព ដើម្បីឆ្លើយតបទាន់ពេល និងមានប្រសិទ្ធភាព នឹងការរាតត្បាតនៃជំងឺឆ្លងផ្សេងទៀតក្នុងពេលអនាគត។
នៅក្នុងអំឡុងពេលទស្សនកិច្ច នាយកប្រចាំតំបន់របស់អង្គការសុខភាពពិភពលោក បានចូលជួបសម្តែងការគួរសមជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ឯកឧត្តមអគ្គបណ្ឌិតសភាចារ្យ អូន ព��ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល។ លោកបណ្ឌិត តាកេស៊ី កាសៃ ក៏បានជួបពិភាក្សាការងារជាមួយមន្ត្រីជាន់ខ្ពស់របស់រាជរដ្ឋាភិបាលដទៃទៀត ដើម្បីចែករំលែកបទពិសោធន៍ស្តីពីការឆ្លើយតបនឹងការរាតត្បាតនៃជំងឺកូវីដ-១៩ និងពីសហប្រតិបតិ្តការ និងការគាំទ្ររបស់អង្គការសុខភាពពិភពលោកដល់វិស័យសុខាភិបាលកម្ពុជាក្នុងពេលអនាគត។ ដំណើរទស្សនកិច្ចពេលនេះ ជាឱកាសសម្រាប់លោកនាយកប្រចាំតំបន់របស់អង្គការសុខភាពពិភពលោក មើលឃើញដោយផ្ទាល់សកម្មភាពជាក់ស្តែងនៃកម្មវិធីសុខភាពនានា និងកិច្ចប្រតិបតិ្តការនៃប្រព័ន្ធសុខាភិបាល នៅក្នុងខេត្តក្រចេះ ខេត្តកំពង់ចាម និងខេត្តកំពង់ស្ពឺ។
លោកបណ្ឌិត កាសៃ បានមានប្រសាសន៍ថា “ខ្ញុំមានកិតិ្តយសណាស់ដែលបានមកធ្វើទស្សនកិច្ចម្តងទៀត នៅព្រះរាជាណាចក្រកម្ពុជា និងបានជួបជាមួយមន្រ្តីរាជរដ្ឋាភិបាល ព្រមទាំងគ្រូពេទ្យ បុគ្គលិកសុខាភិបាល និងអ្នកស្ម័គ្រចិត្តការងារសុខភាពតាមសហគមន៍ ដែលបានលះបង់កម្លាំងកាយចិត្ត យ៉ាងច្រើនក្នុងអំឡុងពេលប្រយុទ្ធប្រឆាំងនឹងការរាតត្បាតនៃជំងឺកូវីដ-១៩។ ខ្ញុំចាប់អារម្មណ៍យ៉ាងខ្លាំងចំពោះការដឹកនាំរបស់រាជរដ្ឋាភិបាលកម្ពុជា ដែលសម្រេចបានសមិទ្ធផលគួរឱ្យកត់សម្គាល់ ក្នុងការប្រយុទ្ធប្រឆាំងនឹងជំងឺកូវីដ-១៩ និងការពង្រីកយុទ្ធនាការចាក់វ៉ាក់សាំងកូវីដ-១៩ ប្រកបដោយប្រសិទ្ធភាព”។
កម្ពុជាទទួលបានជោគជ័យ ក្នុងការប្រមូលផ្តុំកម្លាំងសរុប ដោយមានការចូលរួមពីក្រសួង-ស្ថាប័នរបស់រាជរដ្ឋាភិបាលទាំងមូល និងសង្គមទាំងមូល ដោយរាប់បញ្ចូលទាំងវិស័យឯកជន ដើម្បីឆ្លើយតបយ៉ាងស្វិតស្វាញនឹងការរាតត្បាតនៃជំងឺកូវីដ-១៩។ រាជរដ្ឋាភិបាលកម្ពុជា បានវិនិយោគធនធានយ៉ាងច្រើនលើការពង្រឹងសមត្ថភាពប្រព័ន្ធសុខាភិបាល រួមមានជាអាទិ៍ប្រព័ន្ធដើម្បីស្វែងរក ឆ្លើយតប និងគ្រប់គ្រងការចម្លងជំងឺកូវីដ-១៩ យន្តការវាយតម្លៃហានិភ័យ ក្រុមឆ្លើយតបបន្ទាន់ ការកសាងសមត្ថ-ភាពមន្ទីរពិសោធន៍សុខភាពសាធារណៈ និងការប្រាស្រ័យទាក់ទងហានិភ័យមានប្រសិទ្ធភាព។ ខណៈដែលកំពុងប្រយុទ្ធប្រឆាំងនឹងការរាតត្បាតនៃជំងឺកូវីដ-១៩ រាជរដ្ឋាភិបាលកម្ពុជាក៏បានបន្តរក្សាការផ្តល់សេវាថែទាំសុខភាពសារវ័ន្តជាប្រចាំដល់ប្រជាពលរដ្ឋទូទៅផងដែរ។
ឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានគូសបញ្ជាក់ថា “រាជរដ្ឋាភិបាលក្រោមការដឹកនាំប្រកបដោយស្មារតីបុរេសកម្ម ភាពឈ្លាសវៃ និងការសម្រេចចិត្តត្រឹមត្រូវរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើឱ្យការឆ្លងរាតត្បាតនៃជំងឺកូវីដ-១៩ ស្ថិតនៅក្រោមការគ្រប់គ្រង និងបានបើកប្រទេស និងបើកដំណើរការសកម្មភាពសង្គម-សេដ្ឋកិច្ចឡើងវិញក្នុងគ្រប់វិស័យ ដោយការទទួលខុសត្រូវ សុវត្ថិភាព និងនិរន្តរភាព។ ឯកឧត្តមរដ្ឋមន្រ្តីក្រសួងសុខាភិបាល បានបញ្ជាក់បន្ថែមទៀតថា “កម្ពុជាសូមថ្លែងអំណរគុណយ៉ាងស្មោះស្ម័គ្រចំពោះអង្គការសុខភាពពិភពលោក ដែលបានផ្តល់ការប្រឹក្សាយោបល់ផ្អែកលើភស្តុតាងផ្នែកគោលនយោបាយ និងការគាំទ្រទាំងផ្នែកប្រតិបតិ្តការ និងផ្នែកបច្ចេកទេសដល់ក្រសួងសុខាភិបាល។ ក្រោមការដឹកនាំរបស់លោកបណ្ឌិតកាសៃ អង្គការសុខភាពពិភពលោក បាននិងកំពុងធ្វើការយ៉ាងសកម្ម និងជិតស្និទ្ធជាមួយមន្ត្រីសុខាភិបាលកម្ពុជា ដើម្បីឆ្លើយតបទៅនឹងជំងឺកូវីដ-១៩។ ការណ៍នេះ បានរួមចំណែកដល់ការបើកប្រទេសកម្ពុជា ឡើងវិញប្រកបដោយសុវតិ្ថភាព និងនិរន្តរភាព”។
នៅក្នុងអំឡុងពេលទស្សនកិច្ចនេះ លោកនាយកប្រចាំតំបន់រប���់អង្គការសុខភាពពិភពលោកក៏បានអបអរសាទរចំពោះវឌ្ឍនភាពគួរឱ្យកត់សម្គាល់ ដែលកម្ពុជាសម្រេចបានក្នុងការលើកកម្ពស់ស្ថានភាពសុខភាពប្រជាពលរដ្ឋកម្ពុជា ក្នុងនោះមានការលុបបំបាត់ជំងឺគ្រុនចាញ់ ការកែលម្អសុខភាពមាតា ទារក និងកុមារឱ្យកាន់តែប្រសើរឡើង និងការត្រួតពិនិត្យផលិតផលថ្នាំជក់ ក្នុងចំណោមវឌ្ឍនភាពជាច្រើនផ្សេងទៀត។
កម្ពុជាបានអនុវត្តអភិក្រមថ្មី និងចំគោលដៅ ដើម្បីលុបបំបាត់ជំងឺគ្រុនចាញ់ ដូចជាការបញ្ជូនអ្នកស្ម័គ្រចិត្តការងារជំងឺគ្រុនចាញ់នៅតាមសហគមន៍ ទៅកាន់ទីតាំងភូមិសាស្រ្តដែលពិបាកទៅដល់ ដើម្បីគាំទ្រដល់ប្រជាជនងាយរងគ្រោះដោយជំងឺគ្រុនចាញ់ ដូចជាប្រជាជនបម្លាស់ទី ឬ ចំណាកស្រុក អ្នកធ្វើដំណើរចូលព្រៃជាដើម។
លោកបណ្ឌិត កាសៃ បានមានប្រសាសន៍ថា “មិនមានករណីរាយការណ៍ពីការស្លាប់ដោយសារជំងឺគ្រុនចាញ់ទេ ចាប់តាំងពីឆ្នាំ២០១៨ ហើយអ្នកជំនាញអង្គការសុខភាពពិភពលោករបស់យើង មានកិត្តិយសណាស់ដែលបានគាំទ្រសកម្មភាពលុបបំបាត់ជំងឺគ្រុនចាញ់នៅកម្ពុជា។ យើងចង់ផ្តល់ការគាំទ្រ ក្នុងការរៀបចំឱ្យកម្ពុជាទទួលបានវិញ្ញាបនប័ត្របញ្ជាក់ថាគ្មានជំងឺគ្រុនចាញ់”។
លោកនាយកប្រចាំតំបន់ប៉ាស៊ីហ្វិកខាងលិចរបស់អង្គការសុខភាពពិភពលោក ក៏បានទទួលស្គាល់ផងដែរថា កម្ពុជាមានការអភិវឌ្ឍយ៉ាងឆាប់រហ័ស និងបានស្ថិតនៅក្នុងដំណាក់កាលដ៏សំខាន់មួយ ដើម្បីធ្វើបរិវត្តកម្មប្រព័ន្ធសុខាភិបាលរបស់ខ្លួន ឱ្យសក្តិសមនឹងពេលអនាគត ដោយផ្តោតការខិតខំប្រឹងប្រែងរបស់ខ្លួនលើការផ្តល់សេវាថែទាំសុខភាពបឋមមានគុណភាព សុវត្ថិភាព និងប្រសិទ្ធភាព ឱ្យខិតកាន់តែជិត ប្រជាពលរដ្ឋរស់នៅក្នុងសហគមន៍។
លោកបណ្ឌិត កាសៃ មានប្រសាសន៍ថា “ការរាតត្បាតនៃជំងឺកូវីដ-១៩ បានបង្រៀនយើងថានៅពេលដែលសុខភាពប្រឈមនឹងហានិភ័យ អ្វីៗទាំងអស់ក៏ប្រឈមនឹងហានិភ័យដែរ។ ��ោយផ្អែកលើមូលដ្ឋានគ្រឹះដ៏រឹងមាំ និងមេរៀនបទពិសោធន៍ដែលទទួលបានពីការឆ្លើយតបនឹងការរាតត្បាតនៃជំងឺកូវីដ-១៩ កន្លងមក កម្ពុជាទទួលបានការគាំទ្រពីអង្គការសុខភាពពិភពលោក ដើម្បីពង្រឹងសនិ្តសុខសុខភាព និងការត្រៀមលក្ខណៈឆ្លើយតបទុកជាមុនបន្ថែមទៀត ព្រមទាំងពង្រឹងប្រព័ន្ធសុខាភិបាល ទាំងនៅថ្នាក់ជាតិ ទាំងថ្នាក់ក្រោមជាតិ ក្នុងគោលបំណងធានាឱ្យកម្ពុជាមានសុខភាព និងសុខមាលភាពល្អបំផុតតាមដែលអាចសម្រេចបាន ក្នុងពេលអនាគត”។ អង្គការសុខភាពពិភពលោក នឹងបន្តផ្តល់ការប្រឹក្សាយោបល់ផ្នែកគោល-នយោបាយ និងការគាំទ្រផ្នែកបច្ចេកទេសដល់ការពង្រឹងសន្តិសុខសុខភាព ជំងឺមិនឆ្លង ជំងឺឆ្លង ការថែទាំសុខភាពបឋម និងការពង្រឹងប្រព័ន្ធសុខាភិបាល ដើម្បីឈានឆ្ពោះទៅសម្រេចការគ្របដណ្តប់សុខភាពជាសកល នៅកម្ពុជា។