Nos travalia pro personas, non profito.
Il pote esser difficile pro le personas saper lo que expectar del software o servicios usate hodie. Le technologia que mantene nostre vitas es complexe e le personas non ha le tempore pro analysar lo in detalio. Isto es etiam le caso pro Firefox, ubi nos trova que le personas ha multe differente ideas de lo que occurre in le interior de lor navigator.
A Mozilla, nos respecta e protege tu informationes personal:
- Nos seque un serie de Principios de confidentialitate del datos que forma nostre approche al protection del vita private in le navigatores Firefox pro computatores e apparatos mobile.
- Nos collige solmente le datos necessari pro crear le melior productos.
- Nos pone le personas in controlo de lor datos e de lor experientias in linea.
- Nos adhere al principio “nulle surprisas”, significa que nos labora durmente pro assecurar que lo que le personas intende re Firefox concorda con le realitate.
Le sequente questiones e responsas debe adjutar te a comprender lo que expectar se ab Mozilla e Firefox:
- Io usa Firefox pro quasi toto sur le Web. Vos de Mozilla debe saper un massa de cosas sur me, nonne?
-
Firefox, le navigator del web que flue sur tu apparato o computator, es tu passarella a internet. Tu navigator gerera tante informationes re le sitos web que tu visita, ma ille informationes generalmente sta sur tu apparato. Mozilla, le compania que produce Firefox, non los collige (si tu non lo demanda nos).
- Realmente, vos non collige mi chronologia de navigation?
-
Mozilla sape minus que tu pensa re le habitudes de navigation del usatores. Como productor de navigator, isto es vermente un problema pro nos. Ecce proque nos ha construite utensiles optional, que permitte al usatores interessate de dar nos informationes sur lor navigation del web. Si tu synchronisa tu chronologia de navigation inter tu installationes de Firefox, nos non cognosce iste chronologia, perque illo es cryptate per tu apparato.
- Il pare que cata compania sur le web compra e vende mi datos. Vos probabilemente non es differente.
-
Mozilla non vende datos sur te, e nos non compra datos sur te.
- Ma alora, como gania vos moneta?
-
Mozilla non es un organisation ordinari. Fundate como un projecto de communitate open-source in 1998, Mozilla es un organisation idealista que se effortia pro meliorar le sanitate de internet. Le majoritate del moneta de Mozilla Corporation proveni de royalties ganiate per alliantias con interprisas de recerca web e per contractos de distribution del navigator Firefox in tote le mundo. Tu pote apprender plus sur como nos gania moneta in nostre reporto financiari annual.
- Excellente. Ma que datos collige vos?
-
Mozilla de ordinario collige un insimul de datos limitate de Firefox que adjuta nos a comprender como on usa le navigator. Tu pote leger altero re isto sur nostre aviso de confidentialitate e tu pote leger le plen documentation pro iste collection de datos.
Nos rende public nostre documentation de sorta que omnes pote verificar nostre affirmationes, criticar nos si nos debe meliorar, e haber confidentia que nos non occulta cosas.
- Iste documentation es abracadabra pro me! Pote tu explicar me lo in interlingua simple?
-
Il ha duo categorias de datos que nos normalmente collige in nostre version stabile de Firefox.
Le prime es le "datos technic": le datos sur le navigator mesme, como le systema de operation usate e informationes sur errores o crashes.
Le secunde es illo que nos appella “datos de interaction.” Id es datos circa collaboration de un persona con Firefox, tal como le numero de schedas que era aperte, le stato de preferentias de usator, o numero de vices que certe functiones del navigator era usate, tal como instantaneos o contentores. Per exemplo, nos collige iste datos per le button Retro (le flecha in le angulo superior sinistre de tu navigator que te permitte de navigar retro a un previe pagina web) de maniera que monstra nos que alcuno usava le button Retro, ma non dice que specific paginas web es accedite.
- Collige vos plus datos in le versiones preliminar de Firefox?
-
Plus o minus. In addition al datos describite supra, nos normalmente recipe reportos de collapso e errores del versiones preliminar de Firefox.
Nos pote alsi colliger altere datos in pre-edition pro un de nostre studios. Per exemplo, alcun studios require lo que nos appella “datos de activitate web”, que pote includer URLs e altere informationes circa certe sitos web. Isto adjuta nos a responder a questiones specific pro meliorar Firefox, tal como melio integrar sitos web popular in localisationes specific..
Le versiones preliminar de Mozilla Firefox es platteformas de disveloppamento, frequentemente actualisate con functiones experimental. Nos collige plus datos in le versiones preliminar que in le version final a fin de poter verificar le functionamento correcte de iste experimentos. Tu pote optar pro non participar a iste collecta de datos in le preferentias.
- Ma proque collige vos datos del toto?
-
Si nos non sape como le navigator se comporta o que functiones le personas usa, nos non pote meliorar lo e livrar le optime producto que tu desira. Nos ha investite in le production de utensiles de collecta e analyse de datos pro poter prender decisiones intelligente sur nostre producto, sempre respectante le vita private del usatores.
- Le collecta de datos ancora me enoia. Pote io disactivar lo?
-
Si. Le controlo del usator es un de nostre principios pro le confidentialitate de datos. Nos lo pone in practica in Firefox sur nostre pagina de parametros de confidentialitate, que servi de puncto central pro quicunque cerca de prender le controlo sur su confidentialitate in Firefox. Tu pote disactivar le collecta de datos sur ille pagina.
- E quanto al datos de mi conto?
-
Nos realmente crede in le minimisation de datos e in non demandar cosas sin necessitate.
Non es necessari haber un conto pro usar Firefox. Le contos es requirite pro synchronisar datos inter apparatos, ma nos te demanda solmente un adresse de e-mail. Nos non vole saper cosas como tu nomine, adresse, anniversario e numero de telephono.
- Le publicitate digital face parte de vostre marketing. Compra vos datos personal pro melio diriger vostre annuncios publicitari in linea?
-
No, nos non compra datos personal pro diriger le publicitate.
In ultra, nos demanda a nostre associatos publicitari de usar solmente le datos de prime mano que le sitos web e le editores sape de tote le usatores, como le navigator e apparato usate.
- Ben, il pare que vos realmente protege mi vita private.
-
Si, nos lo face.