भारताचे पंतप्रधान नरेंद्र मोदी हे दोन दिवसीय रशिया दौऱ्यावर गेले आहेत. मोदी यांनी आज (९ जुलै) त्यांच्या दौऱ्याच्या दुसऱ्या दिवशी रशियाचे अध्यक्ष व्लादिमीर पुतिन यांच्याशी द्विपक्षीय चर्चा केली. मोदी यांनी यावेळी दहशतवादाचा मुद्दा उपस्थित केला. ते म्हणाले, दहशतवाद हा प्रत्येक देशासाठी मोठा धोका आहे. यासह मोदी यांनी करोना काळात भारत व रशियाने केलेल्या पेट्रोल-डिझेल कराराचं कौतुक केलं. यावेळी पुतिन यांनी मोदी यांना कझान ब्रिक्स परिषदेचं आमंत्रण दिलं. ही शिखर परिषद २२ ते २४ ऑक्टोबर दरम्यान, रशियामधील कझान शहरात आयोजित करण्यात आली आहे.

पंतप्रधान नरेंद्र मोदी यावेळी जगाला शांतीचा संदेश देत म्हणाले, युद्धाच्या मैदानात अडचणींवरील उपाय सापडत नाहीत, कोणत्याही प्रकारचे प्रश्न सुटत नाहीत. शांततेसाठी चर्चेची खूप जास्त गरज असते. भारत हा नेहमीच शांततेच्या बाजूने उभा राहिला आहे. कारण युद्ध हा अडचणींवरील उपाय नाही. मला शांततेची अपेक्षा आहे. मी शांततेसाठी सर्व प्रकारची मदत करण्यास तयार आहे.

नक्की वाचा
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
Jay Shah on Rohit Sharma captaincy
टी-२०तून निवृत्ती घेतल्यानंतर रोहित शर्माच्या कर्णधारपदाबाबत जय शाह यांची मोठी घोषणा; म्हणाले, “यापुढे तो…”
IAS Pooja Khedkar father Dilip Khedkar
Pooja Khedkar Father First Reaction : IAS पूजा खेडकर यांचे वडील दिलीप खेडकर यांची पहिली प्रतिक्रिया; म्हणाले, “माझ्या मुलीने चूक…”
IAS Puja Khedkar
IAS Pooja Khedkar : पूजा खेडकरचा आणखी एक प्रताप समोर; दिव्यांग असल्याचे सांगून UPSC परीक्षेत मिळवली सूट
News About IAS Pooja Khedkar
IAS पूजा खेडकरांचा भलताच रुबाब; वरीष्ठ अधिकाऱ्यांचं टेबल हटवलं, ऑडीला लाल दिवा लावल्याचा ‘कार’नामा समोर
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
pooja khedkar ias news in marathi
IAS पूजा खेडकर यांचे कारनामे दिल्लीपर्यंत पोहोचले; थेट पंतप्रधान कार्यालयानं घातलं लक्ष, LBSNAA नंही मागवला अहवाल!

“सिर पर लाल टोपी रूसी, फिर भी दिल है हिंदुस्तानी’

नरेंद्र मोदी म्हणाले, भारत रशियाचा विश्वासू मित्र आहे. आमचे रशियातील मित्र त्याला दुधवा म्हणतात. आम्ही त्याला मैत्री म्हणतो. रशियात हिवाळ्यात तापमान शून्य अंशाच्या कितीही खाली गेलं तरी आमच्या मैत्रीतली उब कायम असते. आमचं नातं परस्पर आदरावर टिकून आहे. आमच्याकडे (भारतात) प्रत्येक घरात एक गाणं गायलं जातं. ‘सिर पर लाल टोपी सुरू, फिर भी दिल हैं हिंदुस्तानी’. हे गाणं आता खूप जुनं झालंय. मात्र आमची भावना अजूनही तीच आहे. भारत आणि रशियाची मैत्री चित्रपटांनी आणखी पुढे नेली आहे. आमच्या मैत्रीची वारंवार परीक्षा घेतली गेली. मात्र आम्ही प्रत्येक आव्हानावर मात केली.

हे ही वाचा >> दलाई लामांनी लहान मुलाला किस केल्याचं प्रकरण, POCSO अंतर्गत कारवाईची मागणी न्यायालयाने फेटाळली

या द्विपक्षीय चर्चेआधी मोदी यांनी मॉस्को येथील एका कार्यक्रमात तिथल्या भारतीयाशी संवाद साधला. यावेळी ते म्हणाले, “मी इथे येताना एकटा आलेलो नाही. मी माझ्याबरोबर काही गोष्टी घेऊन आलोय. मी माझ्याबरोबर भारतातल्या मातीचा गंध घेऊन आलोय, तुमच्यासाठी १४० कोटी भारतीयांचं प्रेम घेऊन आलोय. तिसऱ्यांदा पंतप्रधान बनल्यानंतर हा माझा परदेशातील भारतीय समुदायाशी पहिलाच संवाद आहे. हा खूप आंनदायी क्षण आहे. आज ९ जुलै असून मला तिसऱ्यांदा पंतप्रधानपदाची शपथ घेऊन आज बरोबर एक महिना झाला आहे. मी आज तुम्हा सर्वांसमोर ठामपणे सांगेन की, माझ्या पंतप्रधानपदाच्या तिसऱ्या कार्यकाळात मी तिप्पट ताकद लावून काम करेन. आधीपेक्षा तिप्पट वेगाने काम करेन. देशाचा विकास वेगाने करण्याची मी शपथ घेतली आहे.”