Comórtas Peile na Gaeltachta: Bua ag bean Seachtain
Tessa Fleming ar an pháirc imeartha leis an chorn bomaití tar éis an bhua Dé Luain
Seo í léiritheoir phodchraoladh Seachtain tar éis do Chlann na nGael an chraobh shóisir a bhaint ag Comórtas Peile na Gaeltachta.
Is í Tessa Fleming captaen fhoireann Ráth Chairn agus thug siad an corn abhaile go Contae na Mí den chéad uair riamh.
Dúirt sí: “Bhí roinnt cluichí thar a bheith deacair againn thar an deireadh seachtaine in éadan foirne iontach láidir, ach buíochas le Dia go raibh an t-ádh linn sa deireadh.
“Tháinig mise chuig an chlub seo ceithre bliana ó shin agus ní dóigh liom go bhfuil foireann níos cairdiúla ná níos tiomanta ná foireann chailíní Chlann na nGael.
“Ba speisialta é chomh maith an tacaíocht a fuair muid ó mhuintir Ráth Chairn agus Bhaile Átha Buí. Rinne an-chuid daoine an turas fada le tacú linn agus ba mhór an cuidiú a thug siad dúinn ar an pháirc.
“Tá muid ag súil go mór leis an bhliain seo chugainn nuair a bheas ár gclub féin ag reáchtáil an chomórtais, agus táim lánchinnte go bhfaighidh achan duine sa pharóiste jab le hullmhú don fhéile!”
Join the Irish Independent WhatsApp channel
Stay up to date with all the latest news