Secciones
Servicios
Destacamos
Edición
Necesitas ser suscriptor para acceder a esta funcionalidad.
Jueves, 4 de julio 2024, 01:19
Necesitas ser suscriptor para acceder a esta funcionalidad.
Opciones para compartir
Erraldoiak ohikoak dira gure jai herrikoi askotan. Interes handia pizten dute adin txikikoen artean eta baita helduxeagoak direnen artean ere, eta, hori aprobetxatuz, Bilboko Aste Nagusia heltzeko hilabete pasatxo geratzen denean, Mariaren Bihotza plazako arkeologia-aztarnategiak 'Bilboko erraldoiak' erakusketa klasiko eta tradizionala hartuko du hirugarren urtez jarraian.
Euskal kulturaren ezaugarri diren pertsonaia ezagun horiek ezagutu nahi izanez gero, beraz, espazio horretara hurbildu ahal izango zara astearte honetatik irailaren 8ra bitarte (igandea). Izan ere, 'Bilboko erraldoiak' erakusketa asteartetik igandera egongo da zabalik (10.00etatik 15.00etara bitartean), nahiz eta uztailaren 25ean eta 31n eta abuztuaren 15ean itxita egongo den, jaiegunak baitira.
Zehazki, erakusketan 1980ko belaunaldiko 10 erraldoi eta 1988ko belaunaldiko 5 bikote jarri dituzte ikusgai. 1980ko belaunaldikoak, Don Terencio, Zumalakarregi eta beste lau bikote dira. Eta 1988ko belaunaldikoak, ordea, Olagizona eta Zigarrogina, Marinela eta Zamaketaria, Ingelesa eta Bilbotarra... Dena den, Athleticen elastikoa daraman Pitxitxi eta Linaren kasuan, uztailean bakarrik egongo dira.
Erakusketarako sarrerek Artelan Berreginen Museorako sarreren kostu bera dute eta han bertan, San Frantzisko kaleko 14an, edo Aztarnategian (Mirasol kondea, 2) erosi ahal izango dira. Erakusketaren sarrerarekin museora sartu ahal izango da, eta alderantziz. Prezio orokorra 3 eurokoa izango da, eta taldeentzat, berriz, 1,5 eurokoa. Pentsiodunak, dibertsitate funtzionala dutenak, 12 urtetik beherakoak eta irakasleak doan sartu ahal izango dira.
Gainera, erakusketa ez da izango Bilboko erraldoiekin eta buruhandiekin lotutako jarduera bakarra:
'Erraldoien dantza'. Ondalan konpartsaren eskutik egingo da doako jarduera hau, uztailaren 12ean eta 26ean, 11.30ean. Elkargunea Mariaren Bihotza plazako aztarnategia izango da, eta ez da beharrezkoa izango aldez aurretik izena ematea. Sarrera librea, edukiera bete arte.
'Erraldoi bat zure hozkailuan' tailerra. Uztaileko ostegunetan (4, 11 eta 18) eta abuztuaren 1ean (osteguna), 12.00etan, 6 urtetik gorako umeek parte hartu ahal izango dute erakusketarako bisita berezi batean, Museoko hezkuntza-taldearen eskutik. Bertan, Bilboko Erraldoien xehetasun guztiak eta historia ezagutuko dituzte, batez ere, Don Terencio eta Doña Tomasa jaun-andreena. Ibilbidea amaitutakoan, umeek iman bat egingo dute Bilboko bi erraldoi horien irudiarekin. Gehienez ere, 12 pertsonako taldeak izango dira, eta izen-emateak online egingo dira, Museoaren orrian; kostua euro batekoa izango da. Jarduera 6 urtetik gorako adingabeentzat da.
'Txiki-erraldoi' baten zozketa. Uztailaren 9tik irailaren 1era bitartean erakusketa bisitatzen dutenek, gomazko erraldoi baten ('txiki-erraldoi' bat) zozketan parte hartu ahal izango dute. Horretarako, erraldoiei buruzko galdera sinple bati erantzun beharko diote, eta erakusketako sarreran dagoen hautestontzian utzi. Zozketa irailaren 3an egingo da.
Publicidad
Publicidad
Te puede interesar
Esta es la velocidad a la que salta el radar de 120 km/h
El Norte de Castilla
¿Qué pensión pueden cobrar las amas de casa y cuánto dinero?
Las Provincias
Publicidad
Publicidad
Reporta un error en esta noticia
Comentar es una ventaja exclusiva para suscriptores
¿Ya eres suscriptor?
Inicia sesiónNecesitas ser suscriptor para poder votar.