ᑐᓴᐅᒪᔾᔪᑎᓕᕆᓂᖅ ᐅᖓᓯᑦᑐᒥᑦ ᐅᑭᐅᑕᖅᑐᒥ

6 ᐅᑦᑑᐱᕆ 2022 ᑭᖑᓪᓕᖅᐹᖑᔪᖅ ᑐᓂᓗᒋᑦ ᐅᖃᐅᓯᔅᓴᑎᑦ ᐱᔾᔪᑎᖃᖅᑐᓂᑦ ᖃᓄᖅ ᐱᐅᓯᑎᒋᐊᖅᑕᐅᔪᓐᓇᕐᓂᖓᓄ ᐱᔨᑦᑎᖅᑕᐅᔪᖅ ᐅᖓᓯᑦᑐᒥᑦ ᐅᑭᐅᑕᖅᑐᒥ.

ᓇᓗᓇᐃᔭᖅᓯᒪᔪᑦ

ᓇᓗᓇᐃᔭᖅᓯᒪᔪᑦ ᑐᓴᖅᑎᑦᑎᓂᕐᒧᑦ ᑲᑎᒪᑎᑦᑎᓂᕐᒧᑦ ᐊᑐᐃᓐᓇᐅᔪᑦ ᐅᑯᓇᓂ ᐅᖃᐅᓯᕐᓂᑦ: ᑯᕆ, ᓯᐱᕗᐊᓐ, ᐃᓄᒃᑎᑐᑦ, ᐊᒻᒪ ᐃᓄᐃᓐᓇᖅᑐᓐ.

ᐱᔾᔪᑎᖓ ᑖᔅᓱᒧᖓ ᑲᑎᒪᑎᑦᑎᓂᐅᔪᒧᑦ

ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ (CRTC) ᐃᓕᓐᓂᑦ ᑐᓴᕈᒪᔪᑦᖃᓄᐃᑦᑐᓂ ᖃᓄᐃᓕᓯᒋᐊᕈᑎᓂᑦ ᐊᑐᕆᐊᖃᕐᒪᖔᑕ ᐱᐅᓯᑎᒋᐊᕐᓗᒍ ᑐᓴᐅᒪᔾᔪᑎᓕᕆᓂᐅᔪᖅ ᐅᖓᓯᑦᑐᒥ ᐅᑭᐅᑕᖅᑐᒥ.

ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᖃᐃᖅᑯᔨᔪᑦ ᐅᖃᐅᓯᔅᓴᓂᑦ ᐃᕐᖏᓐᓈᕈᑎᓄᑦ ᐊᒻᒪ ᐅᖄᓚᐅᑎᓄᑦ ᐱᔨᑦᑎᖅᑕᓄᑦ ᓄᓇᕗᒻᒥ, ᓄᓇᑦᓯᐊᖅ, ᔫᑳᓐ, 17 ᓄᓇᓖᑦ ᐅᐊᓐᓇᖓᓂ ᐳᕆᑎᔅ ᑲᓚᒻᐱᐊ^{FOOTNOTE 1}, ᐊᒻᒪ ᕗᐊᑦ ᕕᑦᕈᒍᑦ, ᐊᓪᐴᑕ.

ᑐᓴᓚᐅᖅᑕᕗᑦ ᐅᕙᓂ ᐱᓕᕆᐊᖑᓂᖓ I

ᐱᓕᕆᐊᖑᓂᖓ I ᒫᓐᓇᐅᔪᒥᑦ ᐱᕙᓪᓕᐊᓂᐅᔪᓂᑦ ᐱᓕᕆᐊᖃᓗᐊᖅᑐᑦ ᑐᑭᓯᑎᑦᑎᕙᓪᓕᐊᓂᕐᒥᑦ ᐃᓱᒫᓘᑕᐅᔪᓂᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐊᑦᑐᐃᓂᖃᖅᑐᑦ ᐃᕐᖏᓐᓈᕈᑎᓄᑦ ᐊᒻᒪ ᐅᖄᓚᐅᑎᓄᑦ ᐱᔨᑦᑎᖅᑕᓄᑦ. ᐅᖓᑖᓃᑦᑐᑦ 250 ᑎᒥᐊᔪᑦ, ᐃᓄᐃᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᐱᔨᑦᑎᕋᐅᑎᖃᖅᑎᑦᑎᔩᑦ ᐅᖃᐅᓯᔅᓴᖃᓚᐅᖅᑐᑦ ᑭᓱᓂᑦ ᐃᓱᒫᓘᑕᐅᔪᓂᑦ ᑖᒃᑯᐊ ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᓯᕗᓪᓕᐅᑎᒋᐊᖃᖅᑕᖏᓐᓂ ᐱᓕᕆᐊᖃᕐᓗᑎ ᐱᔭᐅᔭᕆᐊᖃᖅᑐᓂᑦ ᐃᓄᖏᓐᓄᑦ ᐅᖓᓯᑦᑐᒥ ᐅᑭᐅᑕᖅᑐᒥ.

ᐅᕙᓂ ᐱᓕᕆᐊᖑᓂᖓ I, ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᑐᓴᓚᐅᖅᑐᑦ ᑖᒃᑯᐊ:

• ᑲᓇᑕᒥᐅᑕᓕᒫᑦ ᐊᑭᑐᓗᐊᖏᑦᑐᓂᑦ ᐱᔪᓐᓇᕆᐊᓖᑦ ᑐᓴᐅᒪᔾᔪᑎᓕᕆᓂᕐᒧᑦ ᐱᔨᑦᑎᖅᑕᓄᑦ, ᐱᓗᐊᖅᑐᒥᑦ ᐱᔭᔅᓴᐅᓂᖓ ᐃᕐᖏᓐᓈᕈᑎᒃᑯᑦ. ᐊᒥᓲᓂᖅᓴᐃᑦ ᐸᕐᓇᐅᑏᑦ ᐊᑐᐃᓐᓇᐅᔪᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐱᑕᖃᖅᑎᑦᑎᔪᑦ ᐊᑦᑎᑦᑐᓂᑦ ᑮᓇᐅᔭᓄᑦ, ᐱᓗᐊᖅᑐᒥᑦ ᐃᕐᖏᓐᓈᕈᑎᒃᑯᑦ ᐱᔭᔅᓴᐅᓂᖓ, ᐊᔾᔨᒋᑎᓐᖑᐊᖅᑐᒍ ᖃᓪᓗᓈᑦ ᓄᓇᖓᓐᓂ.
• ᐱᐅᓂᖓ ᐊᒻᒪ ᑐᓐᖓᕕᒋᔭᔅᓴᐅᓂᖓ ᐱᔨᑦᑎᖅᑕᐅᔪᑦ ᐱᐅᓯᑎᒋᐊᖅᑕᐅᔭᕆᐊᖃᖅᑐᑦ ᐃᓄᖏᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐊᔾᔨᖏᓐᓂ ᐱᓕᕆᔪᓐᓇᓂᐊᕐᖓᑕ (ᓲᕐᓗ ᖃᕋᓴᐅᔭᒃᑯᑦ ᐊᔾᔨᓕᐅᕈᑎᒃᑯᑦ ᑲᑎᒪᓂᕐᒧᑦ) ᑕᐃᒪᐃᓲᖑᒻᒪᑕ ᖃᓪᓗᓈᑦ ᓄᓇᖓᓐᓂ. ᐱᐅᓯᑎᒋᐊᖅᑕᐅᓂᖓ ᐱᐅᓂᖓ ᐊᒻᒪ ᑐᓐᖓᕕᒋᔭᔅᓴᐅᓂᖓ ᓇᓗᓇᐃᖅᓯᓂᐊᖅᑐᖅ ᐃᓄᖏᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐱᖃᑕᐅᑎᑕᐅᓗᑎ ᐃᓅᖃᑎᒌᓐᓂᕐᒧᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐱᕕᔅᓴᐅᔪᓐᓇᖅᑐᓂᑦ.
• ᐃᓄᖏᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐊᑭᑦᑐᕋᐅᑎᑦᑎᑲᓐᓂᖁᔨᔪᑦ ᐱᔾᔪᑎᖃᖅᑐᓂᑦ ᐃᕐᖏᓐᓈᕈᑎᒃᑯᑦ ᐱᔨᑦᑎᖅᑕᓄᑦ. ᖃᓄᐃᓕᖓᓂᕆᔭᖏᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐊᔅᓱᕈᕐᓇᑎᑦᑎᔪᖅ ᐃᑲᔪᕐᓗᒍ ᐊᑭᑦᑐᕋᐅᑎᑎᑦᑎᓂᐅᔪᖅ ᐱᐅᓯᑎᑦᑎᒋᐊᕐᓂᐊᖅᑐᓂᑦ ᐊᑭᑐᓗᐊᖏᑦᑐᓂᑦ, ᑐᓐᖓᕕᒋᔭᔅᓴᐅᔪᓂᑦ ᐊᒻᒪ ᐱᐅᓂᖓᓄᑦ ᐱᔨᑦᑎᖅᑕᐅᔪᑦ.
• ᐋᖅᑭᒍᑏᑦ ᖃᐅᔨᓴᓚᐅᖅᑕᕗᑦ ᑎᑭᑦᑎᑎᐊᓐᓂᖅᓴᐃᓗᑎ ᐱᔭᐅᔭᕆᐊᓕᓐᓄᑦ ᐃᓄᖏᓐᓄᑦ ᐅᖓᓯᑦᑐᒥ ᐅᑭᐅᑕᖅᑐᒥ ᐃᓱᒪᒋᔭᐅᔭᕆᐊᖃᖅᑐᑎᑦ ᖃᓄᐃᓕᖓᓂᖏᓐᓄᑦ ᐋᖅᑭᒍᑎᖃᖅᑎᑦᑎᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ.

ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᖁᔭᓐᓇᒦᖅᑕᖏᑦ ᑭᒃᑯᓕᒫᑦ ᐃᓚᒋᔭᐅᖃᑕᐅᓚᐅᖅᑐᑦ ᐅᕙᓂ ᐱᓕᕆᐊᖑᓂᖓ I. ᐅᖃᐅᓯᔅᓴᑎᑦ ᖃᐅᔨᒪᑎᑦᑏᓇᕐᓂᐊᖅᑐᑦ ᐃᖅᑲᓇᐃᔭᖅᑕᑎᓐᓂᑦ ᐅᓇᐅᓕᖅᑎᓪᓗᒍ ᐱᓕᕆᐊᖑᓂᖓ II. ᖃᐅᔨᒋᐊᒃᑲᓐᓂᕈᒪᒍᕕᑦ ᑐᓴᓚᐅᖅᑕᑎᓐᓂᑦ, ᑕᑯᒍᒃ ᑐᓴᓚᐅᖅᑕᕗᑦ ᐱᓕᕆᐊᖑᓂᖓ I ᐃᓚᖓ ᐊᑖᓂ.

ᖃᓄᖅ ᐃᓚᒋᔭᐅᖃᑕᐅᔪᓐᓇᓂᕐᒧᑦ ᐱᓕᕆᐊᖑᓂᖓ II

ᐱᕕᔅᓴᖃᖅᑐᑎᑦ ᑎᑭᒐᓱᐊᕐᓂᖓᓄᑦ 6 ᐅᑦᑑᐱᕆ 2022 ᑐᓂᓗᒋᑦ ᐅᖃᐅᓯᔅᓴᑎᑦ ᖃᓄᖅ ᐱᐅᓯᑎᒋᐊᖅᑕᐅᔪᓐᓇᕐᓂᖓᓄᑦ ᑐᓴᐅᒪᔾᔪᑎᓕᕆᓂᕐᒧᑦ ᐱᔨᑦᑎᖅᑕᓄᑦ ᐅᖓᓯᑦᑐᒥ ᐅᑭᐅᑕᖅᑐᒥ.

ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᑐᓴᕈᒪᔪᑦ ᐃᓕᓐᓂᑦ ᖃᓄᐃᑦᑐᓂᑦ ᐋᖅᑭᒍᑎᓂᑦ ᐱᐅᓛᖑᒐᔭᕐᒪᖔᑕ ᑎᑭᑦᑎᓗᑎ ᐱᔭᐅᔭᕆᐊᓕᓐᓄᑦ ᓄᓇᓕᓐᓄᑦ ᐅᖓᓯᑦᑐᒥ ᐅᑭᐅᑕᖅᑐᒥ.

ᖃᓄᐃᑦᑐᑦ ᖃᓄᐃᓕᓯᒋᐊᕈᑎᓂᑦ ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᐊᑐᕆᐊᖃᖅᑲᑦ ᐃᕐᖏᓐᓈᕈᑎᓄᑦ ᐊᒻᒪ ᐊᖏᕋᒥ ᐅᖄᓚᐅᑎᓄᑦ ᐱᔨᑦᑎᖅᑕᓄᑦ:

• ᑮᓇᐅᔭᖅᑐᓗᐊᖏᓂᖅᓴᖅ?
• ᑐᓐᖓᕕᒋᔭᔅᓴᐅᓂᖅᓴᖅ ᐊᒻᒪ ᐱᐅᓂᖓ ᐱᐅᓂᖅᓴᐅᓪᓗᓂ?
• ᐊᑭᑦᑐᕋᐅᑎᖃᑎᖃᒃᑲᓂᕐᓂᖅ?
• ᐃᑲᔪᖅᑕᐅᓂᖅᓴᐅᓗᑎ ᐋᖅᑭᒍᑎᖃᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐃᓄᖏᓐᓄᑦ?

ᑐᓂᔪᓐᓇᖅᑕᑎᑦ ᓇᓗᓇᐃᖅᑕᐅᓯᒪᔪᑦ ᕿᑎᖓᓄᐊᓂᕐᒧᑦ ᐅᑯᑎᒎᓇ:

• ᐊᑐᕐᓗᒍ ᕿᑎᖓᓄᐊᓂᕐᒧᑦ ᑕᑕᑎᕆᐊᓕᒃ;
• ᐊᐅᓪᓚᑎᓪᓗᒍ ᓱᑲᔪᒃᑯᑦ ᐅᕗᖓ 819-994-0218; ᐅᕝᕙᓘᓐᓃᑦ
• ᑎᑎᕋᕐᓗᑎ ᐅᕙᑦᑎᓐᓄᑦᐅᕙᓂ ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ (CRTC), ᐋᑐᕚ, ᐋᓐᑎᐅᕆᐅ K1A 0N2.

ᐱᒡᒐᓇᖏᓂᖅᓴᐅᑎᓪᓗᒍ ᑐᓂᓗᒋᑦ ᑕᑯᓐᓇᖅᑕᑎᑦ, ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᐊᑐᕐᒥᔪᑦ ᓄᑖᒥᑦ ᖃᕋᓴᐅᔭᒃᑯᑦ ᐃᕐᖏᓐᓈᕈᑎᒃᑯᑦ ᐃᓚᒋᔭᐅᑎᑦᑎᓂᕐᒧᑦ ᐋᖅᑭᔅᓯᒪᔪᒥᑦ. ᐱᕕᔅᓴᖃᖅᑐᑎᑦ ᑎᑭᒐᓱᐊᕐᓂᖓᓄᑦ 6 ᐅᑦᑑᐱᕆ 2022 ᑐᓂᓗᒋᑦ ᑕᑯᓐᓇᖅᑕᑎᑦ ᐅᑯᑎᒎᓇ ᐃᓚᒋᔭᐅᑎᑦᑎᓂᕐᒧᑦ ᐋᖅᑭᔅᓯᒪᔪᒥᑦ.

ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᐃᓄᓐᓂᑦ ᓈᓚᖕᓂᖃᖅᑎᑦᑎᓂᐊᕐᒥᔪᑦ. ᓈᓚᓐᓂᖃᖅᑎᑦᑎᓂᐅᔪᖅ ᑲᑎᒪᓂᐅᔪᖅ ᐃᓄᐃᑦ ᓂᐱᖃᕈᓐᓇᖅᑐᑎᑦ ᐃᓱᒪᒋᔭᖏᓐᓂ ᐅᖃᐅᓯᐅᔪᓂᑦ ᓇᓗᓇᐃᖅᑕᐅᓯᒪᔪᑦ ᑐᓴᕋᔅᓴᒥᑦ ᑲᑎᒪᑎᑦᑎᓂᕐᒧᑦ. ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᐃᓄᑦᑎᒍᑦ ᓈᓚᖕᓂᖃᖅᑎᑦᑎᓂᐊᖅᑐᑦ ᐱᒋᐊᕐᕕᖓ 17 ᐊᐃᕆᓕ 2023 ᐅᕙᓂ ᑯᐊᓐᓕᓐ ᑕᓐ ᐱᖅᑯᓯᓕᕆᕕᒃ, 1171 ᕗᕋᓐᑦ ᐊᑐᕆᐊᖓ, ᕙᐃᑦᕼᐅᐊᔅ, ᔫᑳᓐ. ᐊᒻᒪᓗᑦᑕᐅᖅ ᑎᒥᐅᔪᑦ ᐃᓚᒋᔭᐅᖃᑕᐅᔪᓐᓇᓂᐊᕐᒥᒧᑦ ᐅᖓᓯᑦᑐᒥᑦ.

ᐱᕕᔅᓴᖃᖅᑐᑎᑦ ᑎᑭᒐᓱᐊᕐᓂᖓᓄᑦ 6 ᐅᑦᑑᐱᕆ 2022 ᐅᖃᐅᔾᔨᓗᑎᑦ ᐅᕙᑦᑎᓐᓂ ᐅᖃᐅᓯᔅᓴᖃᕈᒪᒍᕕᑦ ᐃᓄᓐᓂᑦ ᓈᓚᓐᓂᖃᖅᑎᑦᑎᓂᕐᒥᑦ. ᖃᐅᔨᒪᔭᐅᓗᓂ ᑕᐃᒃᑯᐊᑐᐊᑦ ᑐᓂᓯᔪᑦ ᓇᓗᓇᐃᖅᓯᒪᔪᓂᑦ ᕿᑎᖓᓄᐊᓂᕐᒧᑦ ᐊᑐᖅᑕᐅᓪᓗᓂ ᕿᑎᖓᓄᐊᓂᕐᒧᑦ ᑕᑕᑎᕆᐊᓕᒃ, ᓱᑲᔪᒃᑯᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔅᓯᕋᕈᓐᓇᖅᑐᑦ ᑲᑎᒪᖃᑕᐅᓗᑎ ᐊᒻᒪ ᑐᓂᓯᓗᑎ ᐃᓄᓐᓂᑦ ᓈᓚᓐᓂᖃᖅᑎᑦᑎᓪᓗᒋᑦ. ᑐᔅᓯᕋᕈᕕᑦ ᑲᑎᒪᖃᑕᐅᓗᑎ, ᖃᐅᔨᑎᓐᓂᐊᖅᐸᑎᒍᑦ ᐃᓚᒋᔭᐅᖃᑕᐅᔪᒪᒍᕕᑦ:

• ᐃᕝᕕᑦ ᐊᖏᕋᖓᓂ ᐅᕝᕙᓘᓐᓃᑦ ᐊᓪᓚᕕᒻᒥ;
• ᐃᓄᓐᓂᑦ ᓈᓚᖕᓂᖃᖅᑎᑦᑎᓂᕐᒥᑦ ᓇᒦᕝᕕᓪᓗᐊᑕᖓ ᕙᐃᑦᕼᐅᐊᔅ; ᐅᕝᕙᓘᓐᓃᑦ
• ᑲᓇᑕᒥ ᓈᓚᐅᓯᕆᔨᒃᑯᑦ ᐊᒻᒪ ᑐᓴᐅᒪᔾᔪᑎᓕᕆᓂᕐᒧᑦ ᑲᑎᒪᖏᑦ ᖁᒻᒧᐊᑦᑎᑕᐅᓯᒪᔪᒃᑯᑦ ᑕᑯᔅᓴᐅᕕᖏᓐᓂ ᐅᑯᓇᓂ ᔨᐊᓗᓇᐃᕝ, ᓄᓇᑦᓯᐊᖅ; ᐃᖃᓗᐃᑦ, ᓄᓇᕗᑦ; ᐅᕝᕙᓘᓐᓃᑦ ᒑᑎᓅ, ᑯᐸᐃᒃ.

ᐃᓄᑦᑎᒍᑦ ᓇᒦᓐᓂᖏᑦ ᐊᓯᔾᔨᕈᓐᓇᖅᑐᑦ ᐃᓄᓐᓄᑦ ᐋᓐᓂᐊᖅᑐᓕᕆᓂᕐᒧᑦ ᐊᑐᖅᑕᐅᖁᔭᐅᔪᓄᑦ.

ᖃᓄᖅ ᑐᔅᓯᕋᕐᕕᔅᓴᐅᓂᖓ ᑐᑭᓯᒋᐊᖁᑎᔅᓴᑲᓐᓂᕐᓂᑦ ᖃᓄᖅ ᐃᓚᒋᔭᐅᖃᑕᐅᓗᓂ ᑕᕝᕙᓂ ᐱᕙᓪᓕᐊᓂᐅᔪᒥᑦ

ᖃᐅᔨᒋᐊᕈᓐᓇᖅᑐᑎᑦ ᖃᕋᓴᐅᔭᒃᑯᑦ ᐅᕙᓂ ᖃᕋᓴᐅᔭᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐅᕙᓂ ᐅᖄᓚᐅᑎᖓ 1-877-249-2782.

ᐅᑯᐊ ᓄᓇᓖᑦ ᐅᐊᓐᓇᖓᓂ ᐳᕆᑎᔅ ᑲᓚᒻᐱᐊ ᐱᖃᓯᐅᔾᔭᐅᓯᒪᔪᑦ ᑕᕝᕙᓂ ᑲᑎᒪᑎᑦᑎᓂᐅᔪᓂᑦ: ᐳᓘᐱᐅᕆ, ᐹᑉ ᑯᐃᓐ ᑕᓯᖅ, ᑏᔅ ᑕᓯᖅ, ᕗᐊᑦ ᓂᐅᓴᓐ, ᕗᐊᑦ ᕕᐅ (ᑲᕙᑎᓴ), ᒍᑦ ᕼᐅᑉ ᑕᓯᖅ, ᐃᔅᑯᑦ, ᔭᐃᑦ ᓯᑎ, ᓘᕈ ᐳᔅᑦ, ᒨᑦ ᑯᕇᒃ, ᒪᓐᓱ ᑕᓯᖅ (ᕙᐃᕆᓴᐃᑦ ᐊᒻᒪ ᓖᐊᑦ ᑰᖓ), ᐱᓐᒃ ᒪᐅᓐᑕᓐ, ᐳᕌᐸᑦ ᑰᖓ, ᑎᐊᓕᒑᕝ ᑯᕆᒃ, ᑑᑦ ᑰᖓ, ᐊᐳ ᕼᐊᕝᕙᐃ, ᐊᒻᒪ ᕗᓄᕙᓐ.